K’o 50 mil wujq’axb’al kuk’am ri’ panik’aj ik’ abril ri’

202

Rumal k’ut uk’isik ri utoq’axik rech kajach ri wujilal ri’ rumal ri wokajil ajchakul rech ri wujq’axb’al ri’ keb’ uwach chik ujachik b’anom ri’ eri nab’e ri’ are xjach pa enero kanoq are chi’ xjachik 24 mil kanoq, e chik pa le wuqq’ij kanoq are chik xjach loq 38 mil xuquje’ eri katajin reyexik chik are 50 mil chik ri’, ok’owinaq chik cien mil kajach ri’ pa le oxmul ujachik loq ri’, jeri’ xuya’ ub’ixik ri k’amal b’e rech ri Migración, Carolina Miranda Salvador.

Xub’ij chik “We jun uk’iyal ri’ k’o karaj na che, qastzij k’ut, kojtajin b’a’ che reyexik ri’ xuquje’ rumal ri’ sib’alaj kaqata chi ke ri winaqilal chajkiq’i’o b’a’ konojel ri’”.

K’o k’i taq retalil xkoj ri’

Xuya’ ub’ixik chik che k’o nik’aj kojb’al xk’ex ri’ che pa taq ukojik ri stickers che, pa taq jatanaj ujachik qab’anom ri’ chi ke ri winaq e aj iximulew ri’ che ri k’o kib’e keb’e wi pa taq nik’aj chik tinamit naj xuquje’ e k’o e choman ri’ che ri  e k’o pa aninaqil e elinaq naj ri’.

Xuquje’ ya’tal chik pa retalil are rech b’a’ eri wujilal ri’ ke’opan chi’ nab’e chuwach ri q’ij che chomatal chik ke’ok loq ri’.

K’o 45 mil stickers kojom chik pa taq le wujq’axb’al pa le junab’ ri’

Eri ub’anikil uya’ik ri wujq’axb’al pa we junab’ ri’ eri K’amal b’e xuya’ ub’ixik che ri xk’ex ri’ rilik ri stickers che 45 mil ri’, k’o 40 mil wujilal e jachom chik xuquje’ eri tam kumal taq ri winaq are 800 mil pa ronojel taq q’ij ri’.

Xub’ij ri’, eri retalil che ya’om chi ke taq winaq ri’ arech rech kakinab’ijsaj resaxik kiwujil ri’ xcha’ ri Miranda Salvador are b’a’ chi ke e waqxaqib’ mil chi winaq ri’ che ri katajin chik kilik rech kajach ri kiwujq’axb’al ri’.

K’o 25 mil chi wujq’axb’al ri’ ya’tal chi ke ri consulados ri’

Eri wuq’axb’al ya’talil chi ke ri jalajoj kuwach taq consulados rech pa uwachulew ri’ eri Miranda Salvador xub’ij che k’o 25 mil wujilal ri’ are xjach chi ke pa taq tinamit naj ri’ rumal sib’alaj rajawaxik chi ke ri’.

Pa le k’isb’al ub’ixik ri’ eri K’amal b’e xub’ij ri’ che xuya’ ub’ixik b’a’ che terenb’em rilik rech kajach loq ri wujq’axb’al ri’ xuquje’ rumal ri’ b’anom ronojel upatanixik ri’ rech kaya’tajik chi ke ri winaq e aj iximulew ri’ le wujilal sib’alaj rajawaxik chi ke ri’.

COMPARTIR