E k’o xik’ach’ich’ e q’atim pa le Aeropuerto Internacional La Aurora rumal xa’ k’o xb’antaj ri’

115

Pa jun komon ya’olchajinem tzukunik xb’an rumal ri Ministerio rech Gobernación pa reqa’lenib’al Kiwokajil ri Ajchajil Tinamit ri’, ri SGAIA xuquje’ ri DIPAFRONT, ri Ministerio Público xuquje’ ri Aeronáutica Civil, k’o k’iyalaj taq ya’olchajinem tzukunik xkib’an pa taq le tinamit, eri ya’olchajinik eri kib’i’ are ri’ “Buen Viaje III”, pa le Aeropuerto Internacional La Aurora, chi’ k’u ri’ xeq’atex wi’ 21 chi xik’ach’ich’ rumal k’o man utz ta xb’antaj ri’.

Eri ya’olchajinik ri’ are xb’antaj pa le 18 pa le 21 rech ik’ octubre, pa jun komon ya’olchajinik ruk’ ri Panamá k’a chi’ pa Iximulew ri’, rech xterenb’ex ri utzijolil ri’ kojpa’ le b’anom kanoq ri’, are rech b’a’ kilik karaqik wexa’ k’o man k’ot pa usaqil kik’amom loq kojpa’: poq’san awan pwaq, k’ayin awan kunb’alil ruk’ ri b’anow k’ax cho kaj ri’.

Eri Viceministro Antinarcótico, Oscar Dávila Mejicanos, xuya’ ub’ixik che k’o k’i chi tzukunem xb’antajik pa juntir le rachoch ri Aeropuerto Internacional La Aurora, rumal ri’ xekoj pa tzukunik chi’ keb’mul kajilab’al ri eqa’lenel chajinem ri’ e Antinarcóticos xuquje’ ri rech DIPAFRONT, are wa’ k’o jun utzalaj uwachinik xuya’ ri’ rumal ri’ k’o k’i jastaq maj pa usaqil xq’atataj ri’ xuquje’ ruk’ wa’ k’o utz ya’talil chajinem chi ke ri winaq e wa’katel chi’.

Pa le ya’olchajinem tzukunik ri’ e 42 chi xik’ach’ich’ xsilox chupam taq rech xraqatajik che k’o 21 b’anikil man utz taj xraqataj chupam taq ri’ rumal ri’ xeq’atexik, rumal man k’ot pa saqil kimatrícula, ruk’ nik’aj man k’ot pa saq chi ke.

Eri 21 xik’ach’ich’ xeq’atexik ri’, k’o 17 chi ke xeq’atex pa juntir ri’, oxib’ chi ke tajin q’atb’altzij chi kij, jun chik pa Estados Unidos k’o ri karaj kuya’ saqil ri’.

Eri xik’ach’ich’ xeq’atatajik ri’ rumal k’o q’atb’altzij chi kij ri’, rumal k’o chi ke man utz ta kik’olib’al kiq’aq’elja’b’alil, k’o che ri kiranch’ich’ man utz taj k’o uchuq’ab’ karaj na xuquje’ k’o nik’aj rumal k’o jujun taq kitz’aqatisam ta uwach ri’ rech kewa’katik rumal ri’ e q’atim rumal le Utaqanik ri Aviación Civil rech Iximulew, rumal ri’ k’o ri MP chi kij ri’, rech katajin che chomanik chi kij ri’.

Eri k’amal b’e rech Aeronáutica Civil, Carlos Velásquez xuya’ ub’ixik che maja’ na kach’ob’ik jaw chi’ kipetik ri xik’ach’ich’ ri’, rumal ri’ eri kajilab’al katajin tzukunik chi rij pa taq nik’aj chik nimatinamit rech kek’am kan rumal q’atb’altzij ri’.

We kamik xaq xu’ wiri’ ch’ob’om chik jas le upetik ri xik’ach’ich’ are umatrícula N239TT, ri chapom pa Estados Unidos ri’, ri kab’ixik are tz’ib’am pa kib’i’ keb’ nuk’wokajil rech Iximulew ri’ xuquje’ are kab’ixik k’o pa ub’i’ ri jun achi ub’i’ Carlos Castañeda, ri are wa’ kab’ixik maja’ na kilik we qastzij ri’, are wari’ katajin chomanik chi rij pa komonb’al ruk’ ri Embajada Americana, xcha’ ri Viceministro Dávila.

Eri patanel ri’, sib’alaj xuya’ ub’ixik che we chak patan ri’ rumal ri Aeronáutica Civil are sib’alaj utz ri’.

 “Rumal ri’ sib’alaj utz b’a’ uchomaxik pa komonb’al le chak tzukunem ri’ katajin rumal ri Aeronáutica civil, xa’rumal k’ut are wa’ pa nab’e mul ri’ je wa’ chi tzukunik xb’an pa komon chak chi ke ri xik’ach’ich’ e rech erelb’al ri’, are k’o kupatanij che we amaq’ ri’”, xcha’.

We kamik pa konojel e q’atim chik 70 chi xik’ach’ich’ xuquje’ e k’o 21 chi e elinaq kanoq pa uq’ab’ q’atb’altzij ri’ rumal k’o nim tzukunik katajin chi kij ri’ rech kach’ob’ik chinaq winaq e ajmak chi rij ri’ xuquje’ chi rij ri b’anow k’ax ri’.

Swiffy Output
COMPARTIR