K’o 2,188 pajb’al rech cocaína xraqataj pa 2,017

196

Eri uq’ab’il k’amom kumal ri q’atb’altzij Antinarcóticas rech ri Ministerio rech Gobernación xuya’ pa retalil xechapataj e 596 chi winaqil pa 2017 kumal ri Wokajil Ajchajil Tinamit (PNC), kab’ixik xechapik rumal ri e ajk’ayin awan kunb’alil ri’.

Eri uq’atexik ri wan kunb’alil ri’ xuquej’ eri uk’amik uq’ab’il chak patan rech ya’olchajinik are ri’ xuya’ pa xraqik ri 2,188 millones chi pwaqilem ri’,

Xuquje’ pa we junab’ ri’ eri wokajil ajchajil tinamit k’o jun 1 millón 145,771 raqan ichaj rech marihuana, eri rajil pa ronojel kab’ixik are 429.6 millones chi pwaqilem kab’ixik ri’.

Eri raqom kuk’ nik’aj molaj b’anol k’ax ri’ are ri’ uq’axaxik awan kunb’alil, pa le 2017, k’o ri’ Q992,280.15 chi pwaqilem b’otolik xraqataj ri’.

Eri Wokajil Ajq’atel awan kunb’alil ri’ k’o US$794,749 dólares b’otolik xkiraq kuk’ le nik’aj ajk’ayin awan kunb’alil ri’. Sib’alaj kaya’ ub’ixik che k’o 68 chi ch’ich’ kiraqom ri’, k’o keb’ xik’ach’ich’, k’o jun jukub’ ruk’ 37 chi k’aqb’alil xkiraq kuk’ ri e ajk’ayin awan kunb’alil pa le junab’ 2017 ri’.

Pa 700 millones 874,553 chi pwaqilem raqom chik pa ronojel ri’ are ri’ esam pa kiq’ab’ nik’aj ajk’ayin awan kunb’alil pa we junab’ ri’.

COMPARTIR