Xechapataj e 22 b’anol taq k’ax elaq’omab’ e ajtoq’il pwaq chi ke winaq ri’ e are ri’ xechap pa 35 chi b’anow tzukunik ri’

264

Aretaq xb’antaj jun nim tzukunem rech pa 17 ik’al ri’, are rech keq’atexik ri jun molaj b’anol k’ax e ajtoq’il taq pwaq ri’, rumal ri’ k’o 35 chi tzukunik xb’an pa kajib’ juyub’ tinamit pa we amaq’ri’, rumal ri’ xb’antaj kowinem xechapataj e 22 chi b’anol taq k’ax ri’.

E are k’u ri’ ri xechapatajik ri’: a Marvin Danilo Montufar, alias “Grande”, are taqanel rech jun molaj b’anol k’ax ri’, a Carlos Ovidio Muñoz, a José David Lañas, a Azel Esteban Montufar, a Eliseo Hernández,  a Hugo Basilio Velásquez, a Christian Elezer Rodriguez, a José María Martínez, a Julio Enrique Quisquinay, a Oscar Alfredo Santo, a Jorge Humberto Juárez, al Julia Muñoz García, al Dina Consuelo Pérez, al Yuli Raquel Ixcopal, al Gladys Muñoz Prado, al Enma Yanira Noguera, al Rosa Amalia Castañeda, al Margarita Ley Cruz, al Gladis Muñoz García, al Heidi Marili Prado.

Eri jun molaj b’anol k’ax ri’ are ub’i’ “Vatos sureños”, kab’ixik k’o k’iyalaj uwach k’ax kib’anom ri’, k’o toq’inik pwaq kib’anom, k’o itzel b’anow chomanik k’ax ruk’ kamisanik kib’anom ri’.

Xuquje’ xeq’alijanik che ok’owinaq 15 chi b’anow toq’inik pwaq kib’anom ri’, chi ke e keb’ wokajil ajpoq’san chak meb’il ri’ chi ke ri’ k’o Q 241mil keleq’am chi ke pa octubre rech 2015 k’a pa we q’ij ri’.

Pa let zukunik xtaq chi rij e ok’owinaq uwi 500 chi eqa’lenelab’ rech ri Wokajil Ajchajil Tinamit xuquje’ e k’o ajq’atol tzij rech ri MP xetaq chi rij ri’ rumal ri’ xb’antaj kowinem xraqik oxib’ k’aqb’al ri’, jun kejach’ich’ ruk’ oxib’ koxtar k’o marihuana chupam ri’.

COMPARTIR