Eri ak’alab’ kuk’ ri alab’om alitom keta’ pa uq’ab’ ri b’anow k’ax pa uwachruj kemamtzij ri’

164

Are rech keta’ik che ri b’anow k’ax chi ke, che ri k’ax taqkil kemin wi, pa kiq’ab’ ri ajtoq’inel pwaqil ri’, che ri sexting, ri grooming xuquje’ che ri bullyn chi ke taq ak’alab’ ri’ xuquje’ chi ke alab’om alitom ri’, aretaq kakikojo ri uwachwuj pa kemamtzij xuquje’ pa ri internet ri’, are wa’ uchuq’ab’il ri jun cholchak ri’ ub’i’ pa kaxlantzij “Me Conecto sin Clavos”,  ri xya’ pa k’utik chi taq ri wokajil rech ri Taqawokaj pa Amaq’ ri’ xuquje’ chi ke ri wokajil k’o e ajchoq’e ri’.

“Eri taqim ruk’ wari’ are kasolib’saxik kichomab’alil ri winaq tinamit xuquje’ ri e tat nan ri’, are rech utz ukojik kakib’an ri uwachwuj pa kemamtzij ri’ xuquje’ rech kakiq’aj ri kalk’uwal rech man k’ot jun kub’an k’ax chi ke ri’”, xcha’ ri Magda Medina, Oficial rech Protección rech Unicef ri’.

Rumal ri’, eri Gabriel Juarez, viceministro rech Tecnologías rech ri Ministerio rech Gobernación, xuya’ ub’ixik ucholajil che ri rajib’alab’ xya’ pa k’utik rumal ri ya’ltzijol ri’ che ri are ri’ xuya’ pa k’utik chi ke e lajuj nan tat man keta’m taj ri jun b’anow ilob’al ri’, ma jub’ik tane’ k’o keta’m chi rij ya’olchajinik pa taq le uwachwuj pa kemamtzij ri’, chi’ kuk’ut wi’ che ri’ k’axk’olil ri’ are rech kak’usus kino’jb’al kichomab’al ri’ xuquje’ are wa’ mam keta’m ta ucholaj ri’.

“Are wa’ ri chak patan taqim unimaxik pa le jun ya’ltzijol rech ri’, pa le ukojik ri’ ri q’axaltzij ri’ che ri kikojom ri nik’aj b’anol k’ax pa le ub’anik k’ax chi ke taq ri ak’alab’ kuk’ ri alab’om altiom kuk’ ri ri’j winaq ri’ pa le utzilem ukojik b’a’ ri uwachwujpa kemamtzij ri’, pa le uwa’lijsaxik ukojik ri utzalaj taq b’anow ri’ che ri katob’anik pa le tijob’enik xuquje’ pa le ya’b’al jun saq chi ke ri k’ak’ taq winaqilal ri’, pa le ub’anik utz che ri jun no’jk’aslemal ri’ pa kub’sib’al k’u’x xuquje’ pa saqil uk’aslemaxik ri’”, xcha’ ri Juarez.

Xub’ij chik eri Ministerio rech Gobernación kuto’ ri jun cholchak ruk’ ub’antajil pa juntir ri’, che ri kuya’o ronojel uchuq’ab’ ri uwachwuj pa kemamtzij ri ya’talil chi ke ri winaqilal e aj iximulew ri’ xuquje’ che katajin uchakuxik pa jun Nimalaj Ub’eyal Tinamit rech Ciberseguridad ri’, chi’ k’u ri’ kak’asb’axik kichomab’alil ri’ pa jun utak’alib’alil ri’.

“We jun ub’eyal chakunem ri’ pa komon ruk’ ri Chomab’al Tinamit rech Jaqatil Tzijol ri’, kuya’ ri’ utak’alib’alil ri’ xuquje’ jun ub’eyal pa we amaq’ ri’ che ri rajawaxik katerenb’exik rech kab’antaj kowinem ruk’ kakub’isax uwach ri uwachwuj pa kemamtzij ri’”, xcha’ ri Viceministro rech Tecnología.

Eri Odilia Lima rech ri Secretaría rech Q’atel Violencia Sexual, Explotación xuquje’ B’anow k’ax chi ke winaq ri’ (SVET), xuya’ ub’ixik ri’ che pa le k’utb’al ri cholchak ri’ che ri xb’antaj pa katzijob’exik ri taq ak’alab’ xuquje’ ri’j taq winaq ri’, jacha’ taq ri video, comics, perajwuj rech ya’ltzijol, k’utb’al b’e kech ajtijonel ri’, chi ke k’amal b’e rech taq komon ri’ xuquje’ ri ub’ixik tzij tz’ib’am pa audio ri’.

 

COMPARTIR