Eri e ajkate’ib’ xkita che ri Mingob ri ya’olchajinik chi ke

233

Eri Ministro rech Gobernación, Francisco Rivas Lara, xuya’ utzijol che ri e 17 ajkalte’ib’ pa we amaq’ tinamit xkita che ri ya’olchajinik chi ke ri’ xa’rumal e k’o keb’ chi ke keraqataj pa nimalaj k’ax ri’, jeri’ xuya’o ub’ixik pa le nim q’axaltzijolinik ri’ pa le Nima Rachoch pa Uk’u’x Amaq’ Tinamit ri’.

Eri Rivas, xuya’ ub’ixik che Taqanel rech ri Nimawokajil ya’olchajinik chi ke ri ajpatanib’ ri’ rech ri Wokajil Ajchajil Tinamit, ya’om ri ya’olchajinik chi ke jujun taq ajkalte’ib’ ri’.

Rumal k’u ri’ xuya’ ub’ixik chi ke ri e ajkalte’ib’ ri’, ri taqawokajnel ya’olchajinik pa amaq’ ri’ le Rivas Lara, xub’ij k’ut: “kaya’ tab’a’ kikamisax jun winaq che ri tajin kuta’ uwach uk’aslemal ri’, eri ajkate’ib’ ri’ pa jalajoj taq tinamit kepe wi xuquje’ man xaq ta pa jun tinamit tane’ kaya’ wi ya’olchajinik chi ke, xuquje’ man ya’tal ta pa utzijol chinaq ajtob’al kech ajkate’ib’ ri e k’o pa k’ax kechajixik che ri kitam chik che ri PNC rech kechajix ri’”, xcha’.

COMPARTIR