Xchomatajik rech uya’ik uchuq’ab’ ri cholchak rech q’atel b’anow itzelal chi ke ixoqib’ pa le Transmetro

344

Eri viceministro rech q’atel b’anow k’ax ri’, Axel Romero, xub’ij che utz ta ri’ kab’an k’ax itzelal chi ke ri ixoqib’ pa le Transmetro, rumal k’u ri’ ya’tal uchuq’ab’ ri cholchak rech q’atel k’ax chi ke ixoqib’ pa taq le ch’ich’ erelwinaq xuquje’ je ri’ pa nimatinamit ri’, are wa’ xchomatajik aretaq xemolin ruk’ ri nim q’atb’altzij rech ri Procuraduría rech Derechos Humanos, ruk’ ri Wokajil Ajchajil Tinamit xuquje’ ruk’ ri Ministerio Público ri’.

Rumal k’u ri’ eri ya’b’al chuq’ab’ molinem pa komonb’al ruk’ ri Wokajil Ajchajil K’utb’e rech Q’atb’altzij ri’, ruk’ ri Wokajil Ajchajil Tinamit ri’ xuquje’ are rech kach’ob’ik xuquje’ rech kechapik chinaq kakib’an k’ax chi ke ri ixoqib’ pa taq le ch’ich’ rech erelwinaq ri’ xuquje’ jeri’ pa Transmetro are wa’ ujaqik uwach ri cholchak ya’olchajinik kab’an ri’.

 “Eri winaq tinamit rajawaxik kaketa’maj k’ut we rilik uwach b’anow k’ax ri’ che are rajawaxik kaq’atex ri’ xuquje’ rech man k’ot chik jun winaq tane’ kub’an we k’ax ri’ chi ke ri ixoqib’ pa taq le ch’ich’ erelwinaq ri’, ma kaqaya’ ta kanoq xaq tane’ kab’an we k’ax ri’ xuquje’ are rajawaxik utz rilik uloq’oxik kab’an chi ke ri ixoqib’ ri’ man rech ta kab’an k’ax chi ke ri’”, xcha’ ri Romero.

Rumal ri’ sib’alaj kaya’ utzijol ub’ixik che we jun cholchak rech q’atel k’ax chi ke ixoqib’ ri’ pa le Transmetro are xya’taj ub’ixik pa le ik’ septiembre kanoq rech pa we junab’ ri’.

COMPARTIR