Eri eqa’lenelab’ antinarcóticos k’o awam pwaq ruk’ jun winaq xkichapo

459

Eri eqa’lenelab’ rech ri SGAIA-PNC k’o $.539,975 xkiraqo xuquje’ k’o jun winaq xkichapo ub’i’ Ángel Raúl Morán Elías, 23 ujunab’, ub’insam b’ik jun picop chupam k’ut k’o jun k’olib’al awan pwaq xraqatajik.

Eri awan pwaqil ri’ are xraqatajik pa le km. 86 pa nimab’e rech ri kab’ek pa taq ri Verapaces xraqataj wi’, pa El Progreso, chi’ k’u ri’ eri K-9 Jack ll aretaq k’o xusiq chi’ xuya’o loq ub’ixik che k’o awan jastaq k’amom chi rij le pickup ri’.

Rumal k’u ri’ xsik’ix ri MP chi’ chaq’ab’ ri’ pa aninaqil k’ut xb’an xsolixik chi’, rumal ri’ pa le tem k’o chi rij xraqataj wiri’, chi’ k’ut xraqataj wi’ k’o pa nik’aj pisb’alil ri’, aretaq xsolixik are pwaq dólares rech ri Estados Unidos xraqataj chi’.

Rumal ri’ xmajtaj loq rajilaxik chi’ pa nimaq’ab’ k’ut xajilaxik ri’ $.539,975, pa le ukab’ ya’olchajinem tzukunik rumal ri SGAIA-PNC ri xeraqow ri pwaq b’otolik ri’, xuquje’ pa le k’isb’al uwach wuqq’ij kanoq k’o ri’ $.630,960. Xraqataj ri’ pa Chiquimula ri’.

Pa we junab’ ri’ k’o chik $. 8 millones chi pwaqilal raqom chik ri’.