Eri eqa’lenelab’ rech ri DISETUR k’o b’anow chomanik xkib’an kuk’ komon winaqilal ri’

151

E 17 chi winaqilal e ri’j winaq chik rech ri Hogar Cabecitas rech Algodón Jun Rajilab’al ri’, k’o pa Antigua Guatemala, sib’alaj xki’kotirsaj kib’ pa saqarib’al we kamik ri’ xuquje’ k’o etz’anem xb’an kuk’ kumal eqa’lenelab’ rech ri División rech Seguridad Turística  (DISETUR, rech ri Wokajil Ajchajil Tinamit (PNC), rech pa nimatinamit la’, k’o b’ix, b’ixonem xk’am b’ik chi ke xuquje’ k’o k’i jastaq xk’am b’ik chi ke rech kakisaqab’isaj kib’ ri’. Eri Héctor González, rajawtzij rech ri División pa le Antigua Guatemala, xtatb’en pa le molin ib’ chi la’.

Eri rajawtzij rech ri División pa le Nimatinamit ri’, Héctor Noé González Pereira, ruk’ wa’ le xb’an chi’ are wa’ katob’anik rech junam kechakun kuk’ ri’, xuquje’ k’o solin e yowab’ xb’an pa taq hospitales, pa taq orfanatos xuquje’ k’o jun cholchak rech tikon che’ kab’an pa le Cerro de la Cruz ri’.

Eri González xuya’ ub’ixik che pa le Antigua Guatemala rech ri Woakjil Ajchajil Tinamit ri’ xuquje’ ri DISETUR ketajin che chakunem pa komonb’alil chi rij taq k’i uwach chomantzij rech q’atel k’ax xuquje’ rech ya’olchajinik kub’sib’al k’u’x ri’, ruk’ jun wokajil ri’ che ri wokotal uwach kumal e ajchoq’e taq ja rech warib’al uxulanem ri’, kumal e ajk’ayij, kumal ri Cocodes, rumal gobernación departamental xuquje’ kumal le winaq chi’, e are k’ut kakib’an ri molinik ri’ rech b’anow chomanik pa aninaqil ri’ xuquje’ rech wexa’ k’o ri kachomax uwach ri’ pa le tinamit la’.

Eri ya’olchajinik katajin ri’

Rumal k’u ri’, eri Renato Tinoco rech ri wokajil Ya’olchajinem Turística xuquje’ Winaqila ri’ (STC), xub’ij k’ut che konojel ri kuwokom uwach ri’ kilom k’ut ri uchakum chik ri ya’olchajinik pa le Nimatinamit rech Ciudad Colonial ri’ xuquje’ are rech kuya’o uchuq’ab’ pa komon ri’ xuquje’ are rech kuya’ tob’anik che ri uchak upatan ri PNC xuquje’ ri DISETUR ri’.

Eri jun molaj e ajtijoxel rech Boston, Estados Unidos, xkik’ut ri je’alil b’anow kena’w che ub’anik ri’.

“Eri na’ojil rech ri División rech Seguridad Turística rech kawok uwach ruk’ ri qawinaq tinamit ri’ are kuya’ qachuq’ab’ che ri rajawaxik kaqarun uwach ruk’ ri’ are wa’ kub’an upatan pa le jun yab’al utzil chi ke konojel ri winaq e antigüeños che keqaloq’oj pa we loq’ juyub’ tinamit rech pa amaq’ ri’”,xcha’ ri Tinoco ri’.

Emu wa’ ri eri Maribel Arévalo, k’amal b’e rech ri Cocodes rech Antigua Guatemala, xuya’ ub’ixik ucholajil ri’ che ri chak patan xb’an ri’ are sib’alaj xuya’ ki’kotem chi ke ri winaqil e ri’j chik e are winaq ri’ che ri qast k’o kaki’kotirsaj wi kib’ ri’ xuquje’ are wa’ xq’alajinik chi ke aretaq xopan kich’ab’exik ri’, xuquje’, we k’o jub’ik ki’kotirsab’al kech kak’am chi ke ri’.

COMPARTIR