Eri eqa’lenelab’ xekamik rumal ketajin che unimaxik kichak kipatan ri’ pa Chimaltenango

135

Eri eqa’lenelab’ rech ri Wokajil Ajchajil Tinamit (PNC), Arnoldo Victoriano Leja Peneleu, 47 ujunab’ xuquje’ ri  Alberto Guigui Mercar, 36 ujunab’, xekamiisaxik rumal ketajin che unimaxik kichak kipatan ri’, aretaq e eyem chik xek’aqik che nima’q k’aqb’alil ri’, pa le uq’axaxik ri jun ajpache’ tz’apilik pa Chimaltenango ri’.

Eri keb’ eqa’lenelab’ ajchajil tinamit naj chik junab’ ketajin pa chak pa le PNC, sib’alaj xechakunik pa ya’olchajinik chi ke ri winaq tinamit ri’. Eri Leja Peneleu, ri are xok pa le wokajil ajchajil tinamit pa le nab’e q’ij rech abril rech 1999. Waqxaqlajuj katajin chik che chak, ruk’ jun ik’ ruk’ waqxaqib’ q’ij ri’.

We kamik ri’ taqom che chak pa le Comisaría 73 rech Chimaltenango xuquje’ we kamik kutz’aqatisaj 47 ujunab’ alaxinaq ri’, xa’rumal ri are xalaxik pa le b’elejeb’ q’ij rech mayo rech 1970.

En k’u ri’ a Alberto Guigui Mercar, ri are xok che chak pa le PNC pa le nab’e q’ij rech diciembre rech 2002, kajlajuj junab’ chik katajin che chak ri’, ruk’ jo’ob’ ik’ waqxaqib’ q’ij ri’. Xuquje’ ri are taqom che chak pa le Comisaría 73 rech Chimaltenango, ri are xalaxik pa le 23 rech junio rech 1980.

COMPARTIR