Kab’ixik rumal xkeleq’aj awan kunab’al ri’ e k’o kajib’ eqa’lenel chajin tinamit xech’ob’otajik xechap e are k’u ri’ a Ángel Arcelio Mendoza Pérez, 24 ujunab’, a Lesli Israela Sánchez y Sánchez, 22 ujunab’, a Elmer Alexander Elías Cardoza, 24 ujunab’ xuquje’ a Miguel Alberto Flores de 35 ujunab’ ri’, are wari’ xya’taj ub’ixik rumal ri Ministerio Público, rumal ri viceministro rech Ya’olchajinik, Ricardo Guzmán, rachib’lil ri Mayra Véliz are Nimtz’ib’anel rech ri Ministerio Público xuquje’ ruk’ ri taqanel rech ri Nimq’atb’altzij rech Q’atel Awankunab’al ri’ Aldo Chapas ri’.

Eri Viceministro ri’ xuya’ ub’ixik ucholajil ri’ che are wari’ jun k’utb’al rech che ri Wokajil Ajchajil Tinamit (PNC), ri Ministerior rech Gobernación che kab’antaj kowinem k’ut kecho’taj kuwach ri’ xuquje’ xub’ij che are wari’ jun nim uchak patan pa le b’anow tzukunik kumal pa komonb’al ruk’ ri Ministerio Público ruk’ uwoksolinchak amaq’el rumal ri Inspectoría General rech ri PNC, ri xuya’ ronojel taq q’alajisanik chi rij ri’.

Eri Guzmán xub’ij chik che ri nik’aj xechapatajik ri’ e rajchak ri PNC ri’ ri e are xkechb’ej kikojom atz’iyaqb’al rech kichak ruk’ jun auto patrulla are xkikoj ri’ pa b’anow k’ax xkib’ano are chi’ xkichapo b’ik keb’ winaq ri’, ri e b’enaq pa jun ch’ich’ ri xkitzaq kan pa nima b’e ri’, kikojom chapb’al chech kiq’ab’ xuquje’ k’o kijastaq xkeleq’aj kanoq ri’.

K’o kab’lajuj ja achochib’alil je ri’ elaq’ xkib’an chi’

Chi rij ri’ xuquje’ xketenb’ej ub’anik jun tzukunik chi kij ri’, rumal ri’ xb’antaj kowinem xch’ob’otaj kuwach ri keb’ winaq e b’enaq ri’ pa le ch’ich’ xkichapo k’o jun ukab’ tasb’al chupam ri’ rumal ri’ xterenb’ex rij ri’ xuquje’ rumal ri’ e k’o 12 chi ja xsolix upam taq, chi’ k’u ri’ xb’antaj kowinem k’o jun winaq xchapik ri taqom uchapik rumal q’atb’altzij ri’ k’o k’aqb’al xraqataj ruk’ xuquje’ k’o tzam xraqataj ri’ xcha’ ri Mayra Véliz, ri Secretaria General rech ri MP.

Pa k’isb’al rech ri eri q’atb’altzij xkib’ij che ri tzukunik ri’ man katanab’ ta ri’ rech k’u kechap na ri e oxib’ eqa’lenelab’ rech ri Wokajil Ajchajil Tinamit ri xkib’an ri jun k’ax ri’.

Swiffy Output
COMPARTIR