Eri nik’aj eqa’lenelab’ xechapatajik are katajin kicho’ik rech ke’esax pa le PNC ri’

233

Eri kajib’ eqa’lenelab’ rech ri Wokajil Ajchajil Tinamit (PNC) ri’, xechapataj rumal ri Inspectoría General, are wari’ xb’antajik aretaq xb’an k’i tzukunik pa Retalhuleu xuquje’ pa Nimatinamit ri’, are wa’ uwach ri chomanik cho’b’al kech katajin pa le Uwokajil Ajchajil Tinamit ri’, are wari’ rech katajin unimaxik ri b’anow saqilb’anik pa taq uwokajil chak patan ri’, xcha’ ri Ministro rech Gobernación, Francisco Rivas Lara.

Eri xechapatajik xch’ob’otaj kuwach e are ri’: a Ángel Arcelio Mendoza Pérez, 24 ujunab’ ri’, Elmer Alexander Elías, 24 ujunab’ ri’, Miguel Alberto Flores, 35 ujunab’ ri’ xuquje’ ri Lesli Israela Sánchez, 22 ujunab’ ri’, e are kab’ixik ri xkeleq’aj 58 upajb’alil awan kunab’a ri’, pa le jun tzukunem xb’an pa le waqxaqib’ q’ij rech rik’ diciembre rech pa junab’ir kanoq, pa le kilómetro 190 rech ri ruta CA9, pa El Asintal Retalhuleu ri’.

Eri Rivas Lara xuya’ ub’ixik ucholaj che sib’alaj katajin kichotajik ri’, are wari’ rech sib’alaj rajawaxik b’a’ ke’esax b’i pa le wokajil ajchajil tinamit ri nik’aj eqa’lenelab’ kakib’an b’anow k’ax elaq’nik ri’ ri man utz ta rilik pa le wokajil ri’.

 “Eri kitaqim nik’aj winaq ri’ pa le b’anow tzukunik are rech kakelq’aj b’ik ri awan kunab’al chi’. Rumal k’u ri’ xtaq kichapik rumal q’atb’altzij ri wuqub’ winaq ri’, eri chajinem tzukunik chi kij sib’alaj kab’an na” xcha’ ri taqawokajnel rech ya’olchajinik pa amaq’ ri’.

Eri kimak xkib’ano kab’ixik are keleq’axik winaq’ ri’, b’anow elaq’ xuquje’ choman itzel b’anow k’ax ri’, are wa’ xya’taj ub’ixik rumal ri tzukunik chi kij che e k’o keb’ winaq k’ut xkichapo ri kik’amom b’ik awan kunab’al ri’.

Swiffy Output
COMPARTIR