Pa aninaqil katajin uch’ob’ik kitzijiol nik’aj kamisanelab’ che ri xechapik pa El Estor

106

“Qastzij b’a’ kinb’ij chiwe ix winaq tinamit ix aj iximulew ri’ che xa’ jub’ik chik karaj kach’ob’otaj kuwach nik’aj kamisanelab’, chi kijujunal che ri kata che ri Ministerio Público rech kuta che ri jun q’atol tzij rech kutaq kichapik nik’aj kamisanelab’ che ri xkik’aq ri winaqil rech El Estor xuquje’ chi ke ri e ajchajin tinamit pa le 27 rech mayo kanoq”, xcha’ ri viceministro rech Ya’olchajinik, Ricardo Guzmán, pa le jun riqb’al ib’ xsik’ix wi rumal ri Bancada UNE chi ke ri Ministerios rech Energía, Medio Ambiente, rech Gobernación, xuquje’ che ri  Empresa Minera Pronico.

Pa le riqb’al ib’ ri’ chi’ xesik’ix wi e k’i ajpatanelab’ ri’ rech xta chi ke rech kakiya’o ub’ixik che ri q’alajisab’al esam chi rij tz’ilow uwach ri cho rech Izabal ri’ xuquje’ are wa’ xa’rumal ri’ xpetisax ri b’anow ch’ojinik kumal ri e ajchapol kar ri’ e rech chi’ ri xa’rumal ri’ xub’an “kaq uwach ri ja’ chi’” ri jeri’ xub’ano man rumal taj ri chak tajin kub’an chi’ rumal ri jun empresa ri’.

Eri e ajchajil tinamit sib’alaj k’o ya’olchajinik kumal pa El Estor ri’

Xuquje’ chi rij ri b’anow ch’oj ri’ aretaq xk’ulmataj pa El Estor, Izabal ri’ che ri xuquje’ k’o jun ajchapol kar xkam chi’, rumal ri’ e k’i chi ke ri e ajchajil tinamit xesakataj ri’ xuquje’ xporox ri ja k’olib’al che ri keraqataj wi, eri Guzmán xuya’ ub’ixik che e k’o 500 ajchajinelab’ chi’ rech kakiya’o joremal xuquje jorob’anem chi’.

Eri Thelma Ramírez, diputada rech ri UNE, pa ub’i’ ri tinamit rech Izabal junam xub’ij ri are jacha’ ri xub’ij ri Viceministro rech Ya’olchajinem ri’ eri molinem rech chomanik ri’ are rajawaxik kakoj pa aninaqil pa jumul chik ri’ xuquje’ kumal ri keb’ kuwach ri kechoman ri’, ri qas ch’ob’om kuwach ri’ xuquje’ pa jun chik k’olib’al ri’ chisaq che El Estor rech man jikomal kub’sib’al k’u’x kab’an ri jun chomanik ri’.

COMPARTIR