Eri Ajkalte’ib’ rech Ixchiguán xuquje’ Tajumulco ketajin che uchomaxik ri k’ulb’a’t  chi kuwach ri’

141

Ruk’ jun ch’a’wenik chi kuwach ri ajkalte’ib’ rech Ixichiguan xuquje’ Tajumulco, uq’ab’tinamit rech San Marcos ri’, rech uchomaxik ri k’ulb’a’t chi kuwach rech te k’u ri’ man k’ot chik b’anow ch’oj chi kuwach ri komon winaqilal ri’ k’a pa 83 junab’ chik, are wa’ ruk’ nim utob’anik ri Ministros rech Taqawokaj pa Amaq’il ri’ le xkiya’o kitzij rech kakikoj cholchak patan pa le b’anow utzil chi ke ri komon winaqilal chi’.

We jun loq’ chomanikr i’ are katajin ri’ aretaq xb’antaj ri Utiqimal ri K’iyemal rumal ri ri Taqawokaj pa Amaq’ ri’, che ri are wa’ xb’antaj pa le Ministerio rech ri Defensa, che ri xtatb’en wi ri’ Ministro rech Gobernación ri’, Francisco Rivas Lara xuquje’ Gerdi Reyes, rech ri Urox viceministerio rech Q’atel b’anow k’ax ri’, jeri’ ri vicepresidente Jafeth Cabrera.

Eri Ismael Ramos, ajkalte rech Tajumulco, pa le jun wuqq’ij ri’ kamolin kuk’ ri komonchomanelab’ q’atb’altzij ri’, “are wa’ rech ri keb’ uq’ab’tinamit ri’ kekowinik kakichomaj uq’atik b’a’ ri k’ulb’a’t chi kuwach ri’”.

Eri David López, ajkalte rech Ixchiguán, xub’ij “we jun ch’ojinem ri’ are b’antaj 83 junab’ katajin ri’ xuquje’ konojel ri winaqilal chi’ rumal ri’ k’o k’ax kak’ulmam ri’, man kaqaj ta chik b’anow k’ax ri’, are kaqaj chik pa qak’aslemal ri’ le joremal jikomal ri’, xuquje’ ruk’ kitob’anik ri q’atb’altzij rech kak’oji ub’anikil utzilem ri’, rumal ri’ kaqaj qas kachomataj uq’atexik ri ch’ojinik chi’”.

Rumal wa’ eri Ministro Rivas Lara xuya’ ub’ixik che ri cholchak rech ri b’anow k’iyemal ri’ are xwok uwach ri’ “rumal ri’ xaqanimaj utzalajik chi loq chi’ ri ya’olchajinik, ri jikomal xuquje’ ri joremal pa le keb’ uq’ab’tinamit ri’ rech kek’oji ri e ajchajin tinamit chi’, jeri’ rech ketzukuxik, keraqik, kechapik ri nik’aj winaq che ri xkipetisaj ri b’anow ch’oj chi’”.

Xuquje’, eri ya’olchajinik are katajin rumal ri urox viceministerio rech q’atel b’anow k’ax ri’, k’o ri’ jun chomab’al rech q’atel k’ax pa taq ri juyub’al tinamit ri’, rech kesaxik ri ak’alab’ naj chi ke ri b’anol taq k’ax ri’ xuquje’ rech kekoj Tijob’al ib’ chi’ xuquje’ rech kekoj Jachakunb’al rech utaqixik ri chak patan rech k’iyemalil ri’.

Eri vicepresidente Jafeth Cabrera, xub’ij che “we kamik tajin xujel pa le k’ax ch’ojinik ri’ xuquje’ rumal ri’ k’o k’i chak kaqab’an chi’ xuquje’ eri ministerio kupatanij na ub’anik ri chakunem k’o pa reqale’n ri’ xuquje’ rech katzijoxik kachomaxik uq’atexik ri k’ax ch’ojinik ri’”.

COMPARTIR