Katajin chomanik chi rij ri chakum chik chi rij ya’olchajinik, tzukunik xuquje’ kasuk’umaxik e ajpache’ ri’

145

Eri viceministro rech q’atel k’ax ri’, Axel Romero, are xuk’am ub’e ri molaj ajtatb’enelab’ rech iximulew pa le LXII Riqb’ kib’ ri Comisión rech Ya’olchajinik pa Centroamérica (CSC), chi k’u ri’ xtzijox wi k’i uk’u’x wachtzijonem chi rij le ya’olchajinik ri’, chi rij kisuk’umaxik e ajpache’ ri’ xuquje’ chi rij ri tzukunem rech q’atenik b’anow taq kamisanik ri’.

Eri Romero xachb’ilax rumalri General de Brigada, Manuel Fernando Pineda Saravia, ri Viceministro rech ri Defensa Nacional, Juan Carlos Orellana, ri Embajador rech Iximulew pa Costa Rica xuquje’ kumal ri patanelab’ rech taq ri Ministerios rech Relaciones Exteriores xuquje’ rech Defensa, xuquje’ kumal ri rech Ministerio Público xuquje’ kumal rech ri Wokajil Ajchajil Tinamit ri’.

Pa le molin ib’ chomanik ri’ xuquje’ xetatb’enik ri molaj patanelab’ kepe pa taq naj tinamit ri’ rech ri Nimawokajil rech Integración Centroamericana (SICA), xuquje’ rech ri Secretaría rech ri SICA (SG-SICA), ri xeta’maj uwach ri chakum chik rumal ri Cholchak rech “Ya’b’al Uchuq’ab’il ri tzukno’jchak chi rij nuk’wokaj kamisanem ri’, pa taq rin aj tinamit rech ri SICA” xuquje’ ri xk’ex che ri Reglamento Interno rech ri CSC ri’.

Xuquje’ ri ub’antajil ri nab’e k’uttijonem pa le uterenb’exik ri ub’eyal ri Plan Regional Intersectorial Contra ri Crimen Organizado (PRICCO) xuquje’ ri taqib’al kojb’al rech ri Ub’eyal B’anob’al rech ri q’axaltzijol ri’ xuquje’ rech uwokik ri cholchak chi rij q’atel k’ax, rech kesuk’umaxik ri e ajpache’ ri’.

Eri tatb’enelab’ ri’ xuquje’ xkik’am uwach ri cholchak rech kakojik ri’ ub’i’ “Ya’b’al uchuq’ab’ ri Unidades Humanitarias xuquje’ rech Rescate xuquje’ rech taq wokajilal che ri junam kitaqib’alil ri’ pa taq le naj tinamit ri e k’o pa SICA”, ruk’ uya’ik ri tob’anik rech suk’umab’al rech ri k’exb’alil uq’aq’alib’al pa uwachulew ri’.
Eri jun chik molin ib’ ri’ are xya’taj kan pa agosto pa we junab’ ri’ xuquje’ are ri’ kab’an chi la’ Panamá.

COMPARTIR