​K’o b’anow chomanik rech kakojik jun K’ak’ B’anikil Ya’b’al Ilonem chi ke ri ​kal, ​kalk’uwal ri e tz’apil pa japache’​​

78

Are rech kachomaxik jun k’ak’ ub’anikil ya’b’al iloneik ri’, rech utz b’a’ ilonem chi ke ri taq alab’om, taq alitom xuquje’ kuk’ ri alab’om alitom ri kal ri nan ri tat e tz’apilik keraqataj pa taq le japache’ ri’, rumal ri’ eri Viceministro rech Q’atel ri B’anow K’ax, Axel Romero, xmolin kuk’ ri ajchomanelab’ rech ri Colectivo Artesana, ri Ministerio Público, ri Secretaría rech ri Bienestar Social, ri Organismo Judicial, ri Defensa Pública Penal, ri Wokajil Japache’, kumal nik’aj chik ri’, are rech b’a’ kil ri chakum chik chi rij le jun wachtzijonem tzij ri’.

Pa le molin ib’ xmataj ri chomanik rech kekowin che b’anow chak pa le Wokajil Japache’ ri’ (SP), are rech kanimaxik utz ub’anikil ke’ilik ri ak’alab’ kuk’ ri e k’ak’al alab’om alitom ri’ kachb’ilam ri kinan pa le wokajil japache’ ri’ SP xuquje’ ri e k’o chi ke ke’opan che kasolixik ri kinan kitat ri’ e tz’apil pa japache’ ri’.

 “Are rajawaxik k’ut che ri kopanik che kich’ab’exik ri kinan kitat xuquje’ ri ke’opan che kich’ab’exik taq kachalal ri’ ya’tal b’a’ jun upamja rech kakiriqa’ wi kib’ ri’ rech man kab’an ta k’ax chi ke kumal ri nik’aj chik e tz’apil chi’, xuquje’ eri taq ali alitom e k’o kuk’ kinan pache’ tz’apib’al ri’, are rech b’a’ tz’aqat b’a’ jun kik’olib’al kek’oji wi rech ketzijon kakich’ab’ej wi kib’ chi kuwach, je ri’ le rajawaxik chi ke le ixoqib’ ri k’o taq kal kuk’”, xcha’ ri Romero ri’.

Eri yakon japache’ tanab’im uwach ri’

Eri chomanik katajin chi rij ri japache’ rech pa Villa Nueva, eri Viceministro xuya’ ub’ixik ucholaj che ri chak ri’ tanab’im uwach we kamik, xa’rumal k’ut we kamik ri’ katajin utunik ronojel uwach wujil rech, are rech b’a’ kanimaxik ruk’ juntir ri utam ri q’atb’altzij rech b’anow ch’ob’ow soliwachinik chi rij pa juyub’ taq’aj chi’ xuquje’ rech ronojel ri tzijol katajin rilik uta’ik chi rij pa le Ministerio rech Salud xuquje’ pa le Coordinadora Nacional rech ri Reducción rech Desastres (CONRED) xuquje’ are b’a’ kanimaxik rajilab’al uq’ijol tam chi re rumal ri q’atb’altzij ri’ rech kajach ri uwujilal ri’ xuquje’ rech katerenb’exik ub’inisaxik uwach ri’.

Xuquje’ xuya’ ub’ixik ucholaj che katajin b’anow chomanik kuk’ taq ri komon winaq e jaqal chi’ xuquje’ katajin uta’ik ri kikaj ri winaq tinamit ri’ le sib’alaj utz xuquje’ ri rajawaxik kechomax ri’, rumal k’ut we kamik ri’ k’o kitob’anik ri nik’aj chik wokajil chak patan kojpa’ ri Ministerio rech K’iyemal, ri Ministerio rech Cultura y Deportes, rech kach’ob’ik jas uwach cholchak ri rajawaxik kachakux chi’ pa le kisuk’umaxik ri winaqil pa le japache’ rech suk’umalil ri’.

Swiffy Output
COMPARTIR