Katajin chomanem rech kita’ kuwach ri ak’alab’ kuk’ ri alab’om alitom ri’ rech kaq’atexik ri b’anow k’ax chi ke ri’

166

Eri wokajil taq ajpoq’san pwaqil meb’il, ri komon winaqilal pa taq tinamit ri’, ri Ministerio Público, ri UNICEF xuquje’ ri Ministerio rech Gobernación xkimol kib’ rech xetzijon chi rij ri b’anow taq k’ax che ri kab’an chi ke ri taq ak’alab’ xuquje’ ri alab’om alitom ri’ pa uwachwuj pa kemamtzij ri’, pa le nimriqb’al ib’ ub’i’ “Ub’anikil Taqanem pa Q’atb’altzij rech Tob’al uwach kik’aslemal ri Ak’alab’ pa uwachwuj pa kemamtzij pa Iximulew ri’”.

Pa le nimriqb’al b’anow chomanik ri’ xkoj le ya’ltzijol ub’i’ “Ma ruk’ taq k’ax kinok b’a’”, are ya’ltzijol ri’ chi ke taq ak’alab’ xuquje’ chi ke alab’om alitom ri’, xuquje’ are rech ke’upixb’ej ke’uno’jij ri tat nan ri’, ri q’atb’altzij rech pa Taqawokaj Nimatinamit ri’, ri wokajil e ajpoq’sal pwaq meb’il ri’ xuquje’ chi ke komon winaqtinamit ri’ chi rij raqow k’ax kumal ri winaqtinamit pa taq le uwachwuj pa kemamtzij ri’.

“Eri taq ak’alab’ jacha’ ri e alab’om alitom che ri b’anow k’ax chi ke kumal achijab’ e b’anol k’ax, ri e b’anol k’ax chi ke ixoqib’ kuk’ ri e eleq’am b’ik kumal taq b’anol k’ax ri’ are kupatanij ri’ ya’ltzijolil ri’ rech keya’ pa saq ri winaqil ri’ are rech kajchoman chi rij ri raqow taq k’ax ri’ che ri k’o pa le uwachwuj pa kemamtzij ri’” xcha’ ri viceministro rech Tecnologías rech ri Información, Walter Girón.

Eri uwach taq ri xchomaxik ri’

Pa taq le uk’u’x cholupamtzij che ri xchomax uwach ri’ are taq wari’: Ri rech Q’atel k’ax pa le b’anow tzukunem chi rij ri’, eri B’anow taq Achib’al pa uwachwuj kemamtzij ri’, eri kichak kipatan ri e ajtzijolinealb’ ri’ pa le q’atel ub’anik k’ax chi ke taq ak’alab’ xuquje’ ri alab’om alitom ri’, Ri B’anow Q’atenik k’ax xuquje’ ri raqow b’anow k’ax ri’ pa taq le uwachwuj pa kemamtzij ri’, ruk’ nik’aj chik uwach ri’.

 

COMPARTIR