Katajin uchomaxik ub’antajil ri CAIMUS pa jun Riqb’al ib’ rumal ri CONAPREVI

178

Pa le Urox Riqb’al ib’ rumal ri Coordinadora Nacional rech Q’atel b’anow k’ax ub’i’ Intrafamiliar xuquje’ chi ke Ixoqib’ ri’ (CONAPREVI), xya’taj pa k’utik chi kuwach ri k’amal b’e rech taq wokajilal chi rij pa le ub’antajil karaqataj we kamik ri Centros rech Apoyo Integral rech Mujeres Sobrevivientes kiraqom k’ax ri’(CAIMUS).

Rumal ri’ eri viceministro rech Q’atel b’anow k’ax, Axel Romero, xuya’ jub’ik ub’ixik chi rij pa le ub’antajil ri katajin upatanixikr i’, xuya’ k’ut ub’ixik iwir chi rij uwach ri chomam chik pa taq le molin ib’ chomanik ri’ che ri b’anom pa le Wokajil B’anol Taqanib’al pa Amaq’il ri’, ri ub’antajil ri CAIMUS xuquje’ le vicedespacho ri’, k’o nuk’chomab’al b’anom ujuch’um uwach taq ri’, xuquje’ eri Ministerio rech Finanzas k’o pwaqil xuq’axaj ri’.

Xuquje’ xmajtaj uchakuxik ri jun ub’e ri’ ruk’ ri k’amal ub’e chak rech ri Wokajil rech Q’atel k’ax (UPCV), rech man kasach ta upatanixik ri’ xuquje’ rech kaya’ ub’ixik ri kachakuxik pa jun chik junab’ ri’, are wari’ katerenb’exik jacha’ tane’ ruk’ jun cholb’al chak che ri pa amaq’el kak’oji pa le Wokajil Jachakunb’alil ri’.

Eri Dinora Gramajo rech ri Grupo Guatemalteco rech Ixoqib’ ri’, xuya’ ub’ixik ucholaj ri pwaqil xq’axaxik pa uq’ab’ ri CAIMUS, are ruk’ ki’kotem kilik xuquje’ iwir xuquje’ kamik xejach k’ut ri nuk’chomab’alil e juch’um taq are wa’ kuk’utu che tzij karaj xuquje’ uya’om utzij chi rij ri’ rumal ri Viceministro Romero ri’.

“Eri chomanik ri’ kukub’isaj xuquje’ kuya’ pa saqil kichak chi kijujunal ri nuk’wokajil ri’ che e k’o pa uq’ab’ uchak patan ri CAIMUS, are wari’ k’o nim upatanil ri’”, xcha’ ri Gramajo.

Nik’aj uwach chomab’al pa le cholb’al chak ri’

Pa le molin ib’ ri’ xuquje’ xya’ pa k’utik ri Resolución 1325 rech ri Consejo rech ri Naciones Unidas, ri Cholchal xya’taj ub’ixik rumal ri  Cooperación Sur Sur ruk’ México, eri tajin pa ub’antajil ri’ are rech kab’an utz che ub’anikil ri chomab’al rech keto’ik xuquje’ rech uq’atexik ri b’anow k’ax chi ke alitom xuquje’ ixoqib’ ri’, rech utz kilik kab’an ri e yowab’ ixoqib’ xuquje’ rech man kab’an ta chik k’ax chi ke taq ali xuquje’ ri alitom ri’ xuquje’ rech k’o nik’aj chik ub’eyal chakub’al kakoj pa le kichomaxik ri alitomab’ pa taq tijob’al ri’ rech kawok uwach jun loq’ uwach k’aslemal man k’ot b’anow k’ax chi ke ri’.

COMPARTIR