Eri Wokajil rech ya’olchajinik e k’o e 15 molaj b’anol k’ax xakichapo pa oxib’ ik’ ri’

154

E k’o k’iyalaj taq eqa’lenelab’ rech ri Wokajil Ajchajil Tinamit (PNC) ri’, e taqom chi’ rech kakitzuku uwach juntir ri xk’ulmataj pa le Hogar Virgen de la Asunción ri’, xya’ ri Nimak’amal b’e Jimmy Morales pa jun nima ya’oltzijolinem achb’ilam kumal ri Ministros xuquje’ kumal nik’aj chik e q’atb’altzij ri’.

Eri Morales xuta’o che ri k’amal b’e rech ri PNC Nery Ramos y Ramos, ri rachb’ilam jun molaj patanelab’ ri’, are ri’ tajin xuya’ ub’ixi che sib’alaj k’ax ri’ le xk’ulmataj chi’. Eri taqanel e ajchajil tinamit ri’ xuya’ utzijol che xetaq ri’ jun molaj ajtzukunelab’ pa le b’anow tzukunik chi rij ri xkik’ulmaj ri ak’alab’ kuk’ ri alab’om alitom ri’ xuquje’ chi rij le b’anow k’ax chi ke pa taq kachoch ri’, ri e achb’ilam pa komonchak rumal ri’ Ministerio Público, rech xe’opan chi’ rech xakimol uwach ronojel tzijol ri’ che ri kolom uwach chi rij ri’.

“Juntir wa’ kuk’am uwach ri 40 esab’al taq wachib’al pa le nimaja k’olib’al ri’ pa juntir ri jun Nimalaj ja K’olib’al Virgen de la Asunción ri’, are taq wa’ ri xe’esax kumal ri ajchakunelab’ chi rij ri’ rech kab’an jun nim ilonem ch’ob’ow chi rij ri’ xuquje’ e are wa’ katajin b’anow ch’ob’ow chi rij ri’, xa’rumal k’ut k’o 36 kajb’al q’ij le tz’ib’atal chupam ri’.

Katob’an ri FBI ri’

Eri Nimak’amal b’e ri’ xuquje’ xuya’ ub’ixik che pa le b’anow tzukunik ri’, ri PNC kachb’ilax ri’ xuquje’ kato’ ri’ rumal ri Ministerio Público xuquje’ xta ri’ rech are jun katob’anik chi’ ri Buró Federal rech b’anow taq Tzukunik rumal ri Estado Unidos ri’ (FBI).

Eri nimak’amal b’e ri’ sib’alaj xkub’isaj ub’ixik che ri e ajchajinelab’ pa tinamit ri’ k’o keta’mab’alil rech kakik’uto che kekowinik kakib’an le nim tzukunik ri’, emu wa ri’ are tob’am uwach kumal ri e sak’ajil tzukunelab’ rech ri FBI ri’, rech juntir kachoq’ab’ kakikoj pa le utzalaj uq’alajisaxik kakib’an chi rij ri jun nim k’ax xk’ulmataj ri’.

Xub’ij chik xuquje’ xta’ik chi ke ri wokajil rech ketob’anik pa le chomanik chi rij taq b’anow poronik ri’, rech kakiya’ ub’ixik ri keta’mim chik kik’aslemam chik rech kakiya’o loq ub’ixik che ri Taqawokaj chak patan pa we Amaq’ Iximulew ri’ pa le b’anow tzukunik ri’.

“Man uq’ij tana rech karesaj rib’ pa le chak patan ri’”

Pa le nim ya’oltzijolinem ri’ eri Nimak’amal b’e pa Amaq’ Morales  xuquje’ xuya’ ub’ixik che xe’esax b’ik konojel ri patanelab’ k’o nim keqale’nib’al pa le Secretaría rech Bienestar Social (SBS), are wa’ xuya’ ub’ixik ri’ che pa aninaqil kaya’taj ri’ ub’i’ le k’ak’ ajpatanel chik pa le wokajil chak patan ri’, che ri e kolom wi ri ak’alab’ xuquje’ ri alab’om alitom pa le wokajil ri’.

Pa le utzij xuya’ loq eri nimak’amal b’e sib’alaj xuya’ ub’ixik che konojel ri molaj ajpatanelab’ kech ri Ministros e k’o pa saq ri’ xuquje’ keta’m chik che chi k’ax kakik’ulmaj pa we ri’ xuquje’ xuk’utu k’a pa le uchak upatanib’al ri’ k’o jun eqale’nib’al tzij uk’amom uwach kuk’ ri winaq tinamit rech kak’extaj ub’anikil ri’.

Eri xta che kumal ri molajil ri’ che ri kakita che rech karesaj b’ik rib’, eri nimak’amal b’e ri’ sib’alaj xub’ij ri’, “Man k’ot pa ujikomal ri’ kinchomaj rech kinwesaj b’ik wib’, xane’ are kinterenb’ej nub’e pa le chak patan ri’ xuquje’ rech kink’am uwach ri ub’anikil chomanik ri’”.

COMPARTIR