Aninaq chik ketzukux ri winaq kuk’ ri ch’ich’ ke’ok’ow pa k’ulb’a’t juyub’ pa Iximulew ruk’ Honduras

131
Cada persona es registrada por un sistema biométrico.

Chi jujunal ri winaq ka’ok’ow kib’i’ pa jun ilb’al kitzijol ri’.

Qaraj e k’o 20 mil chi winaqil chi ik’ ke’ok’ow pa k’ulb’a’t juyub’ rech Corinto, ri k’o chi kuwach Iximulew ruk’ Honduras, y’atal ri utzil ri’ chi ke are wa’ maltyox che ri juch’unem ri chomanik xb’anik rech ri Unión Aduanuera, xcha’ ri Carlos Cordero k’amal b’e reh ri Instituto Nacional rech Migración rech Honduras. Xub’ij chik chi kuwach ri q’atb’altzij ri’ pa le k’ulb’a’t juyub’ ri’ k’o ri’ no’jchakub’al che ri uya’om tob’anik chi ke ri winaq ri’, rumal ri’ we kamik we kab’an jun b’enam chi’, xaq’ xu’ wiri’ ke’opan pa le ya’olchajinik ri’, rech kesolixik ke’’ok’ow pa jun chik tinamit ri’ jeri’ ri ketzalij chi loq.

Eri ajchoq’e ri ch’ich’ kakib’inisaj ri’ pa le uk’amik ri jastaq k’ayib’al, eri Cordero chi rij ri’ xub’ij che nab’e kanoq k’o 70 kajb’al kakiye’j rech keq’ax ri’ we kamik chik ri’ pa aninaqil ke’ok’ow chik pa le no’jchakub’al ri’, man kenajtib’ ta chik, rumal k’ut aretaq ke’ loq pa taq katinamit ri’ kik’amom chi loq ri rajawaxik rech keq’axik rech aretaq ke’ok’ow pa le k’ulb’a’t juyub’ ri’ pa aninaq chik ke’ok’ow ri’.

Eri Cordero xub’ij chik are rech kekowinik ke’ok pa le keb’ nimatinamit ri’ eri wujilal che rajawaxik chi ke are ri’ le kiwujilal ri winaq hondureños are ri wujil rech kitzijol ri’ wexa’ e ri’j winaq chik xuquje’ chi ke ri winaq e aj iximulew ri’ eri wujq’axib’al ri’ xuquje’ ri DPI. Xuya’ ub’ixik che aretaq wexa’ kikaj ke’ok pa tinamit ri’ le ak’alab’ are rajawaxik keqam ri’, eri kiwujq’axb’al ri’.

Ub’anikil ri’

Eri Cordero xuya’ ub’ixik che we jun b’anikil chi ke ri winaq e aj iximulew are kakijacho pa le nab’e nitz’ uwanta’n che ri k’o wi ri jun eqa’lenel rech migración rech Iximulew ri’, rech kusolij kelik b’ik pa we amaq’ xuquje’ aretaq kaq’ax ruk’ eqa’lenel rech migración rech Honduras, chi’ k’u ri’ ke’il wi pa jun nuk’ulem ilob’al kech pa kemamtzij ri’ are uwi’ikiq’ab’ kakikoj chi’ xuquje’ kesax jun kachib’al ri’ rech kach’ob’ kuwach, are wa’ kukub’isaj juntir kitzijol ri’ pa le ut’iqik chi’ le uwi’kiq’ab’ ri’, rech te k’u ri’ ya’tal chik keq’ax pa Honduras ri’.

COMPARTIR