Jeri’ xb’an che ri tzukunik chi rij ri k’ax xkik’ulmaj ri e ajtijoxel rech ri Instituto Comercio II

230

Are rech xb’antaj kowinem xchapik xuquje’ rumal xunimaxik ri jun taq xel loq pa qatb’altzij rech xchap jun achhi’ ri che ri xok’owisaj ri ch’ich’ chi kij ri e ajtijoxel rech ri Instituto Comercio II, pa le calzada San Juan, eri Wokajil Ajchajil Tinamit (PNC), k’o kajib’ chi tzukunik xb’an pa Mixco xuquje’ pa zona 7 pa nimatinamit ri’.

Eri jun b’anol k’ax ri’ are Emanuel Meda Maldonado, 24 ujunab’, are pa le q’ij ub’insam b’ik ri ch’ich’ P-808GJJ, marca Honda, chajchoj rij, chupam k’ut xranij wi b’ik rib’ aretaq xb’antaj k’ax chi ke ri alitom ri’, chi’ k’u ri’ xkam wi rumal jun chi ke ri alitom che ri xkamik xuquje’ rumal k’o jun chik sib’alaj yowab’.

Rumal k’ut ri tzukunik xub’an ri Wokajil Ajchajil Tinamit xch’ob’otajik che ri ch’ich’ ri’ pa ub’i’ ri jun Jabes Othoniel Meda Carrillo, 44 ujunab’ k’o wi, are utat ri jun achi che ri ub’insam b’ik ri jun ch’ich’ ri’. Aretaq xraq le ch’ich’ ri’ xsolix upam ri’, chi’ k’u ri’ xraqataj wi k’iyalaj taq wujilal k’o pa ub’i’ ri jun b’anol k’ax ri’, rumal ri’ xya’ pa utzijol ri ub’antajil ri’ xuquje’ xtzukuxik ri ja k’o uwach ruk’ ri’.

Eri b’anow tzukunik kumal ri PNC chi rij ri b’anow k’ax kamisanik che ri xetz’ib’axik pa esab’al wachib’al ri’, pil b’inisal rech pa le uwachwujil pa kemamtzij ri’, ruk’ ri ub’ixikil xuya’o ri jachakunb’al che ri xchakun wi ri achi’ ri’, chi rij ri’ xkiya’ wi utzijol ri uplaca ri jun ch’ich’ rech ri jun ajb’anol k’ax ri’ xuquje’ pa le q’ij xub’an ri k’ax man xopan ta chik pa le uchak ri’.

Pa taq le tzukunik ri’ xetatb’en wi 10 chi tzukunelab’, ruk’ 40 ajchajil tinamit, kuk’ ri q’atoj tzij rech ri Ministerio Público xuquje’ ruk’ kajib’ chi patrullas ri’.

utzijol ri xk’ulmataj ri’

Pa miércoles kanoq rech pa we junab’ ri’ e k’o 50 ajtijoxel xel loq pa nimab’e pa le Calzada San Juan, chuwach ri tijob’al Comercio I, chi’ k’ut xkiq’atij wi kib’e ch’ich’ che ri ke’ok’ow chi’ rech tajin xkita’o rech kesax chi’ ri k’amal b’e rech ri Tijob’al ib’ ri’ xuquje’ rch xkita nik’aj chik ajtijonelab’ ri’.

COMPARTIR