Eri k’o 36 uwachwuj rech ri taqawokaj pa amaq’ b’anom k’ax che

109

K’a pa enero pa octubre rech 2016 k’o 6 mil 818 b’anow k’ax cibernéticos b’anom che ri IP’s (Ilob’an rech ri internet ri’), kumal nik’aj b’anol k’ax kib’i’ hacker, ri k’o 36 uwachwuj rech ri taqawokaj ri’, je ri’ ub’ixik xuya’o ri Walter Girón, viceministro rech Tecnologías rech Tzijolil ruk’ tzijob’enik ri’, rech Gobernación.

Xuquje’ xya’ utzijol ub’ixik che ri b’anow k’ax ri’ are opaninaq pa jun 60% che ri uwachwuj ri taqawokaj pa amaq’, jun 30% chi ke taq Jak’olib’al pwaqil ri’ xuquje’ pa jun 10% chi ke ri wokajil b’anol taq jastaq meb’il ri’. We nik’aj k’ax petinaq ri’ chi ke 171,166 IP’s rech jo’ob’ nimatinamit pa juntir uwachulew ri’, ri xaq’an pa kajilab’al pa we kajib’ junab’ ri’.

Ri Girón, xub’ij che ri b’anow k’ax chi ke taq ri uwachwujil kemamtzij rech ri taqawokaj are katajin ilonem ya’olchajinik chi rij ri’ xuquje’ rech kaq’atexik ri b’anow k’ax kumal ri nik’aj hacker rech kach’ob’otajik juntir taq tzijol chi kij ri’.

 “Rumal ri’ katajin nim ilonem ya’olchajinik rech kaq’atexik nik’aj b’anow k’ax cibernéticos xuquje’ rech kikaj kakil uwach ri utzijob’enik kitzijol taq ri taqawokajil pa juntir ri’2, xcha’ ri Girón.

Sib’alaj kaya’ utzijol ri’ che k’o kawinaq b’anow k’ax cibernéticos pa juntir uwachulew chi rij taq b’anow releq’axik kitzijol winaqil, rech kikaj kakik’exo rachib’al taq ri q’atb’altzij xuquje’ rech kikaj kakeleq’aj kitzijolil rech kakib’an che ri uwach Iximulew ri’.

K’a te kanoq, eri viceministro rech Tecnologías, Walter Girón, xuya’ ub’ixik ucholaj che ketajin che uwokik ri Ub’anikil Chomanik pa Tinamit rech Ya’olchajinik Cibernética, rech kiq’atexik b’anow k’ax kumal nik’aj hacker.

Swiffy Output
COMPARTIR