Tajin uchomaxik ri xkita ri ajk’ama b’e rech taq k’ayib’al ri’

260

Eri viceministro rech ya’olchajinik, Ricardo Guzmán rachi’l ri Subdirector rech Investigación Criminal rech ri Wokajil Ajchajil re Tinamit, Stu Velasco xk’oji pa le riqb’al ib’ pa le Congreso rech Amaq’il, kuk’ ri k’amal b’e rech ri ri 20 uwach komon rech ri k’ayib’al pa nimatinamit ri’, rech ya’b’al ub’ixik ri ya’olchajinik kakojik rech keta’ik ri’.

Eri Guzmán xub’ij che k’o k’iyalaj cholchak ya’olchajinik katajin upatanixik ri’ kojpa’ ri e 400 eqa’lenelab’ rech ri PNC e taqom pa le ya’olchajinem ri’, ri xkitunu kib’ kuk’ ri eqa’leenlab’ rech POLIMERC ri e taqom chik pa taq ri 72 k’olib’emal ri’ le e cha’om chi’ pa nimatinamit xuquje’ pa taq uq’ab’tinamit e k’o panoq.

Man xaq ta k’ut ri rech tzukunem ri kb’an kumal ri División Nacional rech Q’atel Uk’iyik ri b’anow k’ax kumal ri kamisanelab’ (DIPANDA) xuquje’ rumal ri Fuerza de Tarea rech Q’atel toq’inik pwaq chi ke winaq ri’.

Rumal k’u ri’ eri Stu Velasco, xub’an jun nim sik’inik chi ke ri winaq tinamit pa Iximulew ri’ rech chakiya’ loq ub’ixik aretaq kakilo k’o b’anow k’ax kb’antajik rech kab’antaj kowinem kamajtajik ri jun tzukunem chi rij ri’ xuquje’ xuya’ ub’ixik ri’ rech sib’alaj kachomaxik ri kitom ub’ixik ri k’amal b’e rech taq k’ayib’alil ri’.

 “Ke’etax b’a’ ri ub’anikil rajawaxik pa jujun taq k’ayib’al ri’ rech kataq uya’ik ya’olchajinik pa taq le k’olib’em k’ayinik ri’ rech b’a’ sib’alaj kachomaxik ri rajawaxik chi’ xuquje’ rech kak’am ub’eyal pa jumul chik ukojik ri chakub’al pa ujikomal ri’”, xcha’ ri Stu.

COMPARTIR