Eri Viceministros rech Ya’olchajinik, Ricardo Guzmán ruk’ ri rech Ilonb’al chak, Mario Álvarez, kachib’ilam b’ik ri K’amal b’e rech ri Wokajil Ajchajil Tinamit (PNC), kiraqam b’ik kib’ xe’opan pa le xesik’ix wi pa B’anb’al Taqanib’al rech Amaq’il rumal ri Bancada UNE, rech kakiya’o ub’ixik chi’ chi rij jun b’anow k’ax xk’ulmataj pa lunes kan 18 rech julio pa le Granja Penal Pavón ri xekam wi e kajlajuj winaq ri’, are jun chi ke are ri Byon Lima Oliva ri’.

Le diputados ri’ qas xkik’ut ri’ che qas kikaj kaketa’maj ri opaninaq wi uchuq’ab’ ri tzukunem chi rij ri’ rech kikaj kakich’ob’o ri ub’antajik ri k’aqanik xb’an chi’, pa jun sik’ib’al xb’an chi ke ri are jun xopanik ri K’amal b’e rech ri INACIF, Rudy Cabrera xuquje’ ri Q’atb’altzij rech ri Derechos Humanos Jorge de León Duque.

Eri Viceministro Guzmán xuya’ ub’ixik che aretaq kareta’maj jas ub’anikil k’ut ri jun b’anow k’aqanikri’, eri Ministro rech Gobernación Francisco Rivas Lara, ruk’ ri Ukab’ K’amalb’e rech ri PNC, Carlos Lemus k’o nim woksolinem xkib’an k’ut rech xkiq’atij uwach ri b’anow k’ax pa le japache’ ri’.

Chi’ e k’o jun puq eqa’lenelab’ rech ri Wokajil rech B’anow Tzukunik, Uchupsaxik K’aqb’alil ub’i’ (DIDAE) rech ri PNC, rech ub’inisaxik uq’alajisaxik ri xk’ulmataj wi ri k’ax ri’, aretaq xtotajik jun b’anow k’aqanik poq’sanik ri’, are wa’ xya’ ub’ixik che man je ri’ xb’anik xa’rumal man k’ot uch’aqapil k’aqbal xraqataj chi’, xaq xu’ wiri’ rij ub’aq’ k’aqb’alil xraqataj chi’.

Eri katajin utzukuxik ri’ aretaq xb’antaj ri k’aqanik ri’ kab’ixik man e are ta jun ri ajchajil ri japache’ ri’ je ri’ chisaq che, are wa’ sib’alaj katzukux na uwach rumal ri Ministerio Público (MP).

Eri Viceministro xub’ij che k’o jun nawilinik chi rij ri xa’rumal xk’ulmataj ri jun k’aqanik chi rij ri Byron Lima, kab’ixik rumal Marvin Montiel, ri kab’ixik jun Taquero che, aretaq rumal kab’ixik che k’o jun ch’oj xkib’an chi kuwach ri keb’ e ajpache’ chi’.

Eri q’alajisab’al ri’ are ri’ kab’ix kumal ri e ajpache’ keraqataj chi’ che ri e are man k’ot kuwach kuk’ nik’aj b’anow k’ax pa japache’ ri’ xuquje’ xuquje’ xkiya’ ub’ixik ri kitzij ri’ chuwach ri Ministerio Público.

“Majun ajpache’ taj kab’in rech are ri’ jun ajq’axal tzijolinel kab’in rech, e k’i k’ut ri e ajpache’ man k’ot kuwach kuk’ ri jun Taquero ri’ xuquje’ man k’ot kuwach ruk’ ri Byron Lima, emu wa’ konojel ri e ajpache’ ri’ rajawaxik keta’ ri’xa’rumal k’ut sib’alaj ketajin che ya’ow tob’anik pa le tzukunik rumal ri MP xuquje’ ri CICIG”, xcha’ ri taqawokajnel ri’.

Aretaq xb’antaj kowinem xq’atexik ri b’anow k’ax kumal ri ajchajinelab’ rech ri Wokajil Japache’ ri’ kuk’ ri eqa’lenelab’ rech ri PNC ri keraqataj na chi’ rech kakita’o kuwach ri e ajpache’ pa le k’ax chi’.

Eri taqawokajnel ya’olchajinik pa amaq’ xuya’ ub’ixik che rumal ri b’anow k’ax xb’an pa japache’ ri’ xesaxik che upatan chi’ ri k’amal b’e rech Japache’ ri’ Carlos de León Zea, ri ukab’ k’amal b’e chi’ Ninfa Gómez ruk’ ri Norberto de Jesús Ortega Barco, eqa’lenel rech japache’ ri’ le k’o che k’amaw b’e pa le q’ij xb’antaj ri k’aqanik chi’ xuquje’ are rech b’a’ man k’ot jun chik b’anow k’ax kaq’anik kak’ulmataj ri’ kojpa’ ri xb’antajik ri k’o nim k’axk’olil xuya’ kan chi’ rumal ri’ are rajawaxik kak’ex ub’anikil taqanik pa le Wokajil Japache’ ri’. Re jun k’exnik rech ke’uto’o kesuk’umaxik ri winaqib’ e ajpache’ e tz’apil chi’.

Eri b’anow tzukunem ri’ are katerenb’exik ub’anik rumal ri MP ruk’ ri CICIG, xuquje’ eri Ministerio rech Gobernación kuterenb’ej uya’ik tob’anik che ri juntir ri chomanik toq’am rech uq’alajisaxik uwach ri’.

Eri b’anol taq taqanib’al ri’ xkiya’o ub’ixik che are kakeye’j na kak’ix uwach b’anow tzukunik ri’ xuqje’ rech man kakiq’atij ta uwach ri katajin uq’alajisaxik chi rij ri b’anow k’ax ri xk’ulmataj pa le Japache’ ri’.

Swiffy Output
COMPARTIR