Rumal xtz’aqat 195 ujunab’ k’o pa tzoqopib’al ri amaq’ tinamit ri’ e k’o 100 chi Tijob’al pa ronojel amaq’, xek’oji pa le Cholb’inem pa Amaq’il ri xewa’kat pa nim uxo’l taq ja pa Nimatinamit ri’.

Eri k’ak’al winaq alab’om alitom rech taq tijob’alil xecholb’inik chuwach ri Nima Rachoch Amaq’ pa Nimatinamit ri’, chi’ k’ut sib’alaj xlejex k’i q’ab’al chi kij kumal ri Q’atb’altzij K’amalb ‘e rech ri Taqawokaj pa Amaq’ ri’, xuquje’ kumal juntir ri winaq tinamit e aj iximulew ri’ rech sib’alaj xkiloq’oq’ej ri loq’ Iximulew ri’.

Pa le loq’ ilb’anem ri’ xek’oji ri Ministro rech Gobernación,  Francisco Rivas Lara, rachi’l ri Nima K’amal b’e rech ri Amaq’il Jimmy Morales xuquje’ ri Viceministros rech Seguridad, Ricardo Guzmán; ri rech Q’atel B’anow K’ax, Axel Romero; ri rech Tecnología, Walter Girón xuquje’ ri rech Antinarcóticos, Oscar Dávila.

Eri Nima K’amal b’e Amaq’ Morales xub’ij che we jun q’ij ri’ are sib’alaj nim retalil chi ke konojel ri winaq tinamit iximulew rumal rok’owisaxik ri 195 ujunab’ chik utuke’lem rib’ pa le utaqawokaj pa amaq’ ri’.

“We jun q’ij ri’ are jun nim na’tib’al chi ke ri taq ak’alab’ xuquje’ chi ke ri k’ak’al winaq e alab’om alitom rech ri qatinamit ri’, rech are kojb’al kakik’aslemal pa kech wi’. Are rech e winaqil achijab’ ixoqib’ rech k’o jun kib’antajil xuquje’ pa le b’anikil nimanem kakib’an pa we amaq’ ri’”, xcha’ ri Nima K’amal b’e ri’.

Rumal ri’ eri Ministro Rivas sib’alaj utz ki’kotem xurilo we jun kib’antajil ri e ajtijoxelal ri’ xuquje’ rumal ri’ xe’uki’kotirsaj kuwach kiq’ij ri alab’om alitom rech ri Colegio Rafael Landívar rumal pa le tijob’al ri’ xutijoj wi’ rib’ aretaq k’a te ala na.

 

Swiffy Output
COMPARTIR