Eri q’atb’altzij rech Gobernación xek’oji pa le riqb’al ib’ chomanik rech ri Coincon

143

Eri Ministro rech Gobernación, Francisco Rivas Lara xuquje’ ri viceministro rech ya’olchajinik, Ricardo Guzmán, xetatb’enik pa ukaj riqb’al kib’ ri Consejo Interinstitucional rech q’atenik le maj b’anow tojb’al pa q’atb’altzij xuquje’ ri k’ayin awan jastaq aduanero (Coincon), chi’ k’ut xtzijox wi ri wokajil ch’ich’ rech b’anow eqa’nib’al xetak’i ri’.

Pa le riqb’al ib’ ri’ xb’antaj pa le Superintendencia rech Administración Tributaria (SAT), xuquje’ ruk’ utatb’enik ri Nima K’amal b’e rech Amaq’il Jimmy Morales, xuquje’ kuk’ ri k’amal b’e rech ri Ministerio rech ri Defensa Nacional (MDN), ri Ministerio Público (MP), ri Wokajil e ajpoq’san chak meb’il ri’, ruk’ nik’aj chik wokajil ri’.

Eri Rivas Lara, xuya’ ub’ixik che reta’m uq’ab’ uwach uchak rech ya’olchajinik chi ke ri e ajchoq’e ch’ich’ ri’, xuquje’ ruk’ le ya’olchajinik chi ke ri winaqilal ri’, xa’rumal k’ut are wa’ k’o k’ax kuya’ chi ri poq’san chak meb’ilem xuquje’ che ri uk’iyemal ri amaq’ tinamit ri’.

Xya’taj ub’ixik che ri ub’eyal cholchak ya’olchajinik chi ke e ajchoq’e taq ch’ich’ ri’, are uwachinik uya’om rech xeraqik kajib’ winaqib’ ri’, xuquje’ rumal ri’ xmajtaj komon tzukunik chi kij ruk’ ri Ministerio Público.

Eri nima k’amal b’e amaq’ Jimmy Morales, xuki’kotirsaj uwach kichak ri q’atb’altzij rech Gobernación kib’anom, rumal ri komon chak ri’ pane’ b’a’ naj xraqataj wi ri Ministro rumal elinaq che uchak patan pa we amaq’ ri’, k’o jun utzalaj uchakunik xuk’utu ub’anom ri’.

 “Kinki’kotirsaj uwach uchak patan ri Gobernación rumal ri komon chak xub’an ri’ aretaq eri ministro elinaq b’ik chi saq che we amaq’ ri’ xuquje’ are wa’ xilotaj uwach rumal ri viceministro che ronojel ri xkoj chi’ xopan pa retalil ri’, pane’ b’a’ qajinaq uwach ri chakub’al xkojik k’o nim uloq’ob’al ri’ chi’, xa’rumal k’o ri q’aq’elja’b’al xkoj chi’ xuquje’ rajchak ri’ xkachb’ilaj ri e ajchoq’e ri ch’ich’ xechakun chi’”, xcha’ ri Morales.

K’a pa we kamik ri’ eri tak’b’anem pa taq ri aduanas qaraj k’o Q4 millones chi pwaq xsach uwach pa we amaq’ ri’, xcha’ri Francisco Solórzano Foppa, k’amal b’e rech ri SAT ri’.

Swiffy Output
COMPARTIR