Eri q’atb’altzij rech Gobernación e are jun pa le riqb’al kib’ ri K’amal b’e rech Tinamit ri’

256

Eri viceministro rech ya’olchajinik, Ricardo Guzmán, xub’an jun sik’inem ub’ixik chi ke ri K’amal b’e rech taq Tinamit, are rech pa komon b’a’ ketob’an ruk’ ri Wokajil Ajchajil Tinamit (PNC), rech kanuk’ uwach ri k’utb’alil rech q’atb’altzij ri kuya’ uchuq’ab’ ri ya’olchajinik rech q’atenik b’anoj k’ax pa taq kikomon kik’olib’alil ri’.

 “Rajawaxik b’a’ kikub’ kanima’ che jun kiwokajil sib’alaj kow uwokik uwach b’anom ri’, ri k’o reta’mab’al che yab’al patan ilonik ri’. Rumal k’u ri’ kaya’taj b’a’ chaqe rech uj b’a’ kaqak’exo uwach ri qakomon winaqil ri’. Eri nima’q tijob’al chuq’ab’ rech q’atenik ri b’anoj k’ax ri’, ri elaq’ itzelb’anik pa taq wokajil patan xuquje’ juntir wa’ are ri’ qachak qapatan uj, rech utz b’a’ ri qachak patan ri wokom uwach ri’” xcha’ ri Guzmán.

Xuquje’ xuya’ ub’ixik ucholaj che k’o nik’aj chik utak’alib’al ri keterenb’exik uchakuxik ri’ rech kuq’al b’anoj k’ax pa komon winaqil ri’, are ri’ ri Wokajil Komon rech Ya’olchajinik rech Q’atenik b’anoj k’ax ri’, ri pa reqle’nib’al ri’ eri Ministerio rech Gobernación kuya’ tob’anik pa le yab’al komon tob’anik ri’ rech kakiyak kib’ ri winaqil rech ketotab’enik pa taq le choman tinamit chi rij ri’ ri ya’olchajinik winaqil ri’.

Eri K’amal b’e rech ri PNC, Nery Ramos ub’ixik che are kab’an ub’anikil ri jun k’utb’al b’eyal pa tinamit rech ya’olchajinik ri’ man xaq ta ri’ rajawaxik kemolik pa komon ri jalajoj taq wokajil ri’, rumal k’u ri’ xuta chi ke ri k’amal b’e rech tinamit man pa katukel taj kechakun ri’.

Eri Nima K’amal b’e rech Amaq’il, Jimmy Morales, xub’ij che ri k’amal b’e rech tinamit ri’ e are k’ut ri qas kechakun rech ri uk’iyemal komon ri’ xuquje’ e are k’ut kakiwok uwach ri komon winaqil pa jujun taq tinamit ri’, rech juntir k’ut ri winaqil ketotab’in pa juntir taq komon winaqil ri’.

 “Eri k’amal b’e rech tinamit are k’ut ketzijob’enik kuk’ ronojel taq ri wokajil rech taqawokaj amaq’ ri’, eri winaq k’ut e are ke’ilow rech ri chomanik ya’olchajinik kiya’ ix, are ri’ kipatan ri e are pa le k’amoj b’e kumal ri’. Eri ya’olchajinik ri’ are rech keq’atexik ri b’anol k’ax kamisanik xuquje’ ri awan k’ayin kunab’al ri’, ruk’ uchomaxik ri k’ax kak’ulmatajik rumal kajulew ri’, rumal ri’ rajawaxik kekowinik kakisik’ij rech kakimol ri komon winaq ri’ xuquje’ rech kakiya’ uwach ri chak kakib’anoj kuk’ konojel ri taqawokajil e k’o pa amaq’ ri’” xcha’ ri Morales.

COMPARTIR