Eri Ministro rech Gobernación, Francisco Rivas Lara, rachib’il ri Viceministro rech Ya’olchajinik xuquje’ ri K’amal b’e rech ri Wokajil Ajchajil Tinamit (PNC), xe’opan che solinik pa rachoch ri Tijob’al k’o pa Salamá, Baja Verapaz ri’.

Aretaq xe’opan pa solinik pa le rachoch ri’ xuquje’ aretaq xkib’an rilik ri chakum chik pa le Tijob’al ri’, eri Ministro xch’a’w loq kuk’ ri e 333 ajtijoxel, e k’o 64 ixoqib’ chi ke, ri e k’o ri’ pa le urox wokaj kakitijoj kib’ ri’ ri kak’is katijoxik pa diciembre ri’, rech xe’upixb’ej kakik’is uwach ri tijob’enik ri’.

 “Ix b’a’ ix uk’aslemal kub’sib’al ri’, ix b’a’ suk’ ch’ajch’oj ub’anikil ri’, rumal ri’ kixniki’kotirsaj iwonojel rumal utz ri xchomaj xib’anoj rech xixok che k’ak’ taq eqa’lenelab’ rech ri PNC ri’, rech aretaq kik’is uwach itijoxik, rech kixok pa le chak patan rech unimaxik ri winaq tinamit ri’. Rech juntir ub’anikil ri xitijoj iwib’ che are rech kikoj kuk’ ri winaq tinamit pa le ya’olchajinik ri’, rech ruk’ sib’alaj utz kib’an che unimaxik ichak patan ri’, rumal ri’ ix b’a’ qas ix loq’ ix k’o pa le jun tijob’al ri’ qas b’a’ k’o qas katajin uk’utik chi we chi’ man junam taj kojpa’ kb’an pa taq nik’aj chik ri’” xcha’ ri Rivas Lara.

Xuquje’ xub’ij chik are wa’ uwach rech keloq’oxik ri’, eri pwaq kasach chi wij ri’ k’o chik pa le wujil rch tojb’al chak rech ri PNC ri’, rumal k’u ri’ aretaq kik’is uwach kixtajin chik che chak ri’ xuquje’ ix k’o chik ri’ pa uwujilal ri wokajil ajchajil tinamit ri’.

E aj to’l rech ri taqanik ri’

Rumal ri’ eri k’amal b’e rech ri PNC, Nery Ramos y Ramos, xina’taj ub’ixik chi ke ri tijoxel ri’, aretaq kakik’is uwach katijoxik ri’ ma xaq e winaq ta chik ri’ xane ix ajtob’anel rech ri b’anoj taqanik xuquje’ ix aj q’atol tzij rech suk’ub’anem pa we amaq’ ri’.

 “We jun chak ri’ are sib’alaj k’ax, eri jun chak patan ri’ are rech tijob’al chak ub’anikil unimaxik rumal jun eqa’lenel ajchajil tinamit ri’ pa le kito’ik kichajixik ri winaq tinamit pa Iximulew ri’, eri winaq tinamit pa Iximulew k’o nimalaj taq tob’anik kub’sib’al kareye’j che jun ajchajil tinamit ri’, chi ke ri e achijab’ e ixoqib’ ri’ kikojom ratz’iyaqb’al ya’olchajinik ri’, rumal ri’ sib’alaj kixnisik’ij rech mib’an itzelal chi ke ri winaq tinamit ri’” xcha’ ri Ramos y Ramos.

 

COMPARTIR