Eri Q’atb’altzij rech San Juan Cotzal, Quiché utz kakil kichak ri PNC

260

Eri q’atb’altzij pa tinamit San Juan Cotzal, Quiché, xkimaltyoxij ri tob’anik ya’tal chi’ rumal ri Ministerio rech Gobernación xuquje’ xkiya’ ub’ixik che ri chakunem katajin rumal ri Wokajil Ajchajil Tinamit (PNC) ri’ are rech ya’olchajinik ri’. Are wa’ rumal ri’ kab’an jun molin ib’ pa taq le juyub’ tinamit ri’ rech ya’b’al tob’anik chi kuwach ri Gobernación ruk’ ri Q’atb’altzij rech pa tinamit ri’.

Eri Cruz xuya’ ub’ixik che ri q’atb’altzij ri’ katob’an na ruk’ ri Gobernación rech kutzkuj jun ja k’olib’al rech kak’oji wi ri rachoch taq e ajchajil tinamit chi’, xuquje’ xuta ri’ rech ketaq na e k’i chik eqa’lenelab’ achijab’ ixoqib’, ruk’ taq ch’ich’ xuquje’ kejach’ich’ rech pa le ya’olchajinik chi’.

“Eri Ministro rech Gobernación xuquje’ ri ukomonb’alil xkiya’ ub’ixik che utz kakil ri ya’olchajinik b’anom chi’ kumal ri wokajil ajchajil tinamit ri’, ruk’ wa’ pa komonb’alil kaqaya’o uchuq’ab’ ri joremal pa qatinamit chi’ xuquje’ pa amaq’el k’ut kujtob’an ri’ kuk’ ri wokajil ajchajil tinamit ri’”, xcha’ ri Baltazar Cruz, Ajkalte rech q’atb’altzij rech San Juan Cotzal ri’.

Eri taqawokajnel ya’olchajinik pa amaq’ ri’ Rivas Lara, xub’ij che ri molin ib’ ri’ are xb’anik rech pa le kub’saxik uwach ri komonchak katajin ub’anik pa le tinamit rech San Juan Cotzal ri’.

Xuquje’ xuya’ ub’ixik che we ri molinik ri’ are utaqixik uya’ik utzalaj taq b’anikil ya’olchajinik ri’, “kaqakoj k’ut ri qachakub’al rech uya’ik uchuq’ab’ ri ya’olchajinik pa le tinamit ri’ rech q’atel k’ax, rech b’anow taq tzukunik, xuquje’ qeta’m k’ut che ri q’atb’altzij kuk’ taq ri q’atb’altzij chi’ are rech kab’antajik ri jun nim komonchak ri’ rech uya’ik jun utzalaj ya’olchajinik xuquje’ joremal chi’”, xcha’ ri Rivas.

Ri San Juan Cotzal are jun uq’ab’ tinamit rech ri juyub’al rech El Quiché, Guatemala ri’.  Karaqaj k’ut cho taq ri juyub’ rech ri Sierra de los Cuchumatanes xuquje’ ri Sierra rech Chamá, pa uwi che k’o wi ri tinamit rech Ch’ajul, pa umox k’o wi Uspantán chech, chuwach qaj k’o wi ri Cunén chech xuquje’ pa uwiq’ab’aj karaqataj wi Neb’aj chech ri’.

 

COMPARTIR