Eri q’atb’altzij rech ri MINGOB uya’om ronojel ranima’ ruk’ ri ya’olchajinik ri’

79

Ruk’ ronojel uk’u’x ranima’ uya’om che ri ya’olchajinik pa le q’atel k’ax, ri b’anow tzukunem xuquje’ ri ya’b’al chajinik ri’, eri Ministro rech Gobernación Francisco Rivas Lara, xuya’ utzijol ub’ixik chi ke ri winaq tinamit ri chakum chik rumal ri taqawokajnem ri’ pa le lajuj ik’ uwach uchak upatan ub’anom ri’ k’a k’o pa le reqale’nib’al ri’, are wa’ jun chi ke, che ri pa junes kanoq 21 rech noviembre aretaq man k’ot jun b’anow kamisanik xya’taj tane ub’ixi pa nimatinamit ri’.

Xuquje’ eri b’anow k’ax kamisanik are xqaj loq pa rajilab’al pa le junab’ 2016 pa jun 5% che pa le 2015; je ri’ k’a pa octubre kanoq eri rajilab’al winaq xekamisanik xopan k’ut pa jun 28% chi ke jujun 100 mil chi winaqil ri’, are junam ri’ kub’’ij che pa jun 6% qajinaq na chuwach ri xk’ulmataj pa le 2015.

Xuquje’, pa el rajilab’al xya’taj ub’ixik ri’ pa junab’ ri’ e k’o ri’ 60 mil 916 chi b’anol taq k’ax e chapom ri’, are k’ut 10 mil 901 ok’owinaq na uwi pa 2015.

Eri rajilab’al esam rumal ri PNC kuq’alajisaj ri’ che ri raqom chik are 4 mil 429 k’aqb’al ri’, ok’owinaq pa 447 chuwach pa junab’ir kanoq.

Eri jun chak b’anom chik rumal ri taqawokajnem ya’olchajinik ri’ are ri rajilab’al ri ch’ich’ e raqom pa 2016 kopan pa 1 mil 89 ri’, man junam ta ruk’ ri 986 rech pa junab’ir kanoq, kojpa’ ri rajilab’al xuya’ ub’ixik ri PNC ri’.

Swiffy Output
COMPARTIR