Eri q’atb’altzij rech ri Mingob kya’ uchuq’ab’ ri chomanem chi kuwach ruk’ Estados Unidos ri’

247

Eri molin ib’ xb’antaj ri’ are rech xtereb’exik ri b’anow chomanik rech ya’b’al tob’anem xuquje’ rech xya’ uchuq’ab’ b’anow chomanik chi kuwach ri Amaq’ Iximulew ruk’ ri Estados Unidos, rumal ri’ ri Ministro rech Gobernación Francisco Rivas Lara, ri Viceministro rech Ya’olchajinik Ricardo Guzmán, xuquje’ ri K’amal b’e rech ri Wokajil Ajchajil Tinamit (PNC), Nery Ramos xuquje’ ri K’amal b’e rech Migración Carolina Miranda, xemolin ruk’ ri Secretario rech Ya’olchajinem rech ri nimatinamit norteamericano John F. Kelly.

“Eri upetik chi’ ri nimq’atol tzij ri’ are rech uterenb’exik ri utoq’ixik uwach ri ya’oltob’anik che ri katajin ub’anik ruk’ ri taqawokaj rech Iximulew ri’ pa le ub’anikil ya’olchajinik ri’” xcha’ ri Rivas Lara.

Sib’alaj xuya’ ub’ixik chik che katajin uchomaxik b’a’ jujun taq ub’anikil chi kuwach ri’ rech chi rij k’o katzukux uwach ri’ xuquje’ katerenb’ex kij ri molaj b’anol k’ax ri’ rech keq’atexik pa taq le keb’ nimatinamit ri’.

Eri xkichomaj pa le molin ib’ ri’ are chi rij kiq’atexik ri e ajk’ayin awan kunb’alil ri’, rech keq’atexik ri molaj b’anol k’ax ri’, chi rij ri winaqil tajin keq’ax pa we amaq’ ri’ xuquje’ chi rij taq no’jb’anem ri’.

Eri molin ib’ chomanik ri’

Pa taq le cholchak ri’ eri kachomaxik pa we junab’ ri’ are taq chi rij ub’anikil Ya’olchajinik xuquje’ Q’axanik pa taq amaq’ ri’, eri Rivas Lara xub’ij che chomam chik kab’an na jun nim nuk’chomab’alil chi rij taq q’axanik pa taq amaq’ ri’, eri molinem ri’ qaraj are kb’an pa Estados Unidos, México, El Salvador, Honduras wene’ pa Iximulew ri’.

Xuquje’ xuya’ ub’ixik che pa junio kab’an na jun molin ib’ kech Ministros rech Ya’olchajinik pa Washington, Norte América, chi’ k’u ri’ ketatb’en wi ri Secretario rech Ya’olchajinik rech Estados Unidos le John F. Kelly.

COMPARTIR