Are rech b’a’ katak’ib’axik uwach ub’anikil q’atemtzij ri kuya’o uchuq’ab’ uchak upatan ri Wokajil Ajchajil Tinamit ri’ eri q’atb’altzij rech ri Ministerio rech Gobernación kuk’ ri rech k’amal b’e rech ri Wokajil Ajchajil Tinamit ri’ xkiya’ pa k’utik ri ch’ob’otal chak ri are upatan b’a’ are kak’exik ri taqanik rech uwokajil ri PNC ri’.

Eri Ministro rech Gobernación Francisco Rivas Lara, xuya’ ub’ixik che we kamik ri’ are jun nim q’ijol ri’ pa le ub’antajik le chak patan pa le woksolinem ri’, xa’rumal che we q’ij ri’ are katerenb’ex ub’anikil jun ichek’nik ri’.

 “We kamik ri’ are jun q’ij rch nim na’tib’al pa we amaq’ ri’, rumal ya’talil b’a’ rech kaqaya’ pa saq ri qas kaqachomaj ri’, man xaq ta ri’ rech b’anoj toq’ob’ chi ke ri tinamit ri’, xane’ are rech b’anoj toq’ob’ che ri wokajil ajchajil tinamit ri’”, xcha’ ri Rivas.

Eri k’amal b’e rech ri PNC, Nery Ramos Ramos, xutzijol che ri utaqib’al ri k’exnik ri Taqanik rech Uwokajilal ri’ are rech kuya’ uchuq’ab’ ri q’atoj tzij qas kutak’ab’o uwach ri wokajil ajchajil tinamit ri’.

 “Xujnajtib’ k’ut pa le b’anoj chomanik ri’, emu wari’ are qas utz che ri tinamit Iximulew are rajawaxik che xuquje’ are ri tinamit ri’ kumaltyoxij ri’ chuwe’q kab’ij, xa’rumal kaqajach’ na ri’ jun wokajil sib’alaj pa jikomal ub’antajik ri’ xuquje’ are qas kakowinik kunimaj kupatanij nima’q taq utaqib’alil ri’.

We jun ch’ob’otal chak ri’ are kuk’utu ri rilob’al ri Ministerio rech Gobernación ri’, pa uwokajil ri viceministerios, ri K’amoj b’e rech ri Wokajil Ajchajil Tinamit ri’ xuquje’ ri K’amal b’e Taqanelab’ ri’, xa’rumal eri PNC ri’ kaq’an pa unimal le uwokib’alil ri’ xuquje’ rech kak’am uq’ab’il le unuk’wokajil ri’, ri uchak patan are rech kata’ uwach le chak kub’an ri’.

Are wa’ le nab’e k’utb’al rech xuquje’ are katerenb’exik upatanixik ri’ k’a pa taq molajil uchomaxik pa taq wokajilal ri’ rech kab’an ri k’exnik ri rajawaxik che, are nab’e na kab’anik rech kya’ pa k’utik pa B’anol Taqanib’al pa Amaq’ib’ ri’.

COMPARTIR