Eri Q’atb’altzij ketajin che uchomaxik le ya’olchajinik pa Chiquimula

131

Are rech taqim uchomaxik ri chak patan rech ya’olchajinik pa taq le juyub’ tinamit rech Chiquimula, pa le Bancada rech ri Movimiento Reformador (MR), rumal ri’ xb’an le riqb’al ib’ chomanik chi kuwach ri viceministro rech ya’olchajinik, Ricardo Guzmán, eri subdirector General rech ri Wokajil Ajchajil Tinamit (PNC), Carlos Lemus xuquje’ ri comisario rech PNC Mauricio Yax, ruk’ ri diputado Boris España rech ri MR, ri Gobernador rech Chiquimula, Luis Molina xuquje’ ri winaq e ajk’ulja chi’ pa le juyub’ tinamit ri’.

Eri viceministro Guzmán, xkub’isaj ub’ixik che le riqb’al ib’ chomanik ri’ k’o nim xpatanij ri’, xa’rumal eri winaqilal ri xechoman ri’ kuk’ ri q’atb’altzij chi’ rech ri ya’olchajinik pa le juyub’ tinamit ri’.

“K’o xya’lax ub’ixik chi rij taq tzijol xuquje’ chi rij taq rajawaxik ri’ xuquje’ eri uno’jixik rech ub’anik utzalaj taq ub’anikil rech ri ya’olchajinik pa taq le juyub’ tinamit rech Chiquimula”, xkub’isaj ub’ixik ri Guzmán ri’.

Eri winaqilal e chiquimultecos xkikub’isaj ub’ixik che k’o nim kupatanij ri molinem chomanik kuk’ ri q’atb’altzij rech ajchajil tinamit kuk’ ri winaqilal ri’. Jeri’ k’o xkiya’o utzijoxik che ri cholchak che we kamik katajin upatanixik pa le PNC ri’ pa taq ri tijob’al ib’ are k’o utzalaj taq b’anow b’anikil ub’anom chi’.

Rumal k’u ri’ eri viceministro Guzmán, xub’i che “ri PNC k’o jun utaqib’al rech b’anow chomanik ruk’ ri komon winaqila ri’ rech eri ajchajil tinamit are jun utzalaj winaq kuk’ ri’ rech kakub’isaj kik’u’x ri winaqilal ri’, rumal ri’ xmajtajik ri komon chomanik pa taq le tijob’al ib’ kuk’ ri taq ak’alab’ xuquje’ kuk’ ri alab’om alitom ri’ rech kaketa’maj ub’anikil kichak kipatan ri eqa’lenelab’ ri’”.

Pa k’isb’al rech ri’ eri winaq xkita’o che ri eqa’lenelab’ che ri kewa’katik che kaqan chi’ are rech kakitzijob’ej ri winaqilal ri’ rech kek’oji pa jun utzalaj k’amow ib’ ri’.

COMPARTIR