K’o nimalaj ya’olchajinik kab’an pa taq ropanb’al xik’ach’ich’ pa we amaq’ ri’

243

Rumal b’a’ are sib’alaj rajawaxik k’o nimalaj ya’olchajinik kab’an pa taq ropanb’alil xik’ach’ich’ pa we amaq’ ri’, xuquje’ rumal kajaq uwach ri Aeropuerto ub’i’ “Los Altos”, ri k’o pa Xe’laju’ ri’,rumal ri’ eri Ministros rech Gobernación, Francisco Rivas Lara, xuquje’ ri rech Comunicaciones Infraestructura xuquje’ Vivienda, Aldo García xuquje’ ri rech ri Defensa, William Mansilla, pa komon k’ut xkijuch’ uwach keb’ chomab’al taqanik pa komon taqawokajil ri’.

Eri Ministro rech Gobernación, xuya’ ub’ixik ucholajil eri ya’olchajinik ri’ are rech k’o kub’sib’al k’u’x ya’talil chi ke ri winaq e aj chi’ kuk’ ri winaq kepe naj ri chi’ pa le ropanb’al xik’ach’ich’ ub’i’ La Aurora ri’ ke’opan wi aretaq kepe chi’.

 “Are wa’ jun utzalaj k’utb’al rech kub’sib’al k’u’x ri’, rech ya’b’al tzijonb’en ib’ xuquje’ rech pa komon ilb’an kab’an ri’ pa taqawokajil rech ri Taqanik pa Amaq’ ri’ pa le ya’bal utzalaj chajinem ri’, ri are kuq’alajisaj uwach pa jun utzalaj yakon ja k’olib’alil pa le Taqawokaj Amaq’ ri’”, xcha’.

Rumal k’u ri’ eri K’amal b’e rech Aeronáutica Civil, Carlos Monge xuya’ ub’ixik che ruk’ wa kuwa’lijsax uwach kipetik wa’katel winaq chi’ je ri’ pa taq tinamit pa uwachulew ri’ xuquje’ rech konojel ri winaq e aj iximulew, rech k’o ch’ich’ k’amal kech ri pa aninaqil kepe b’a’ chi’ pa taq tinamit pa we amaq’ ri’.

Xq’atexik upoq’saxik jun nim k’aqb’al ri’

Eri Taqawokajnel rech Ya’olchajinik pa Amaq’, aretaq xujuch’ uwach keb’ wujil rech chomanem xb’antajik xuya’ ub’ixik chi ke ri ajtzijolinelab’ che xa’rumal ri nim tzukunik xb’an rumal ri PNC, xb’antaj kowinem k’ut k’o jun nim k’aqanik poq’anik xq’atexik chi rij jun winaq ri k’amom b’ik pa Jakununib’al Yowab’ ub’i’ San Juan de Dios rech k’amom b’ik kakunax ri’. Are wa’ xb’antaj kowinem xq’atexik rumal ri jun molaj chi ajchajil tinamit xetaq b’ik chi’ rumal ri’ xekowinik xtulisaj jun poq’sab’al ri’ rech man xpoq’ taj.

Eri Taqawokajnel xuya’ ub’ixik che xtaq jun nim ya’olchajinik pa komonb’al ri’ ruk’ ri Wokajil Japache’, ruk’ ri Ministerio Público xuquje’ ruk’ ri Ministerio rech Kunanem Utzwachil rech kakitanab’o uk’amik b’ik e ajpache’ pa jakunanib’al ri’, rech xaq’ xu’ wiri’ kek’am b’ik ri qas e nima’t chi ke xuquje’ kek’am b’ik rech kakiraqo ta kib’ kuk’ ri winaq pa cholajisab’al chi la’. xuquje’ rumal ri’ katajin ukojik nik’aj chik jakuninab’al yowab’ pa taq ri japache’ tz’apib’al ri’ are rech b’a’ kek’am tac hi b’a pa taq jakunanib’al ri’, xcha’.

COMPARTIR