K’o ya’olchajinik ri’ pa taq uk’olib’alil ri SINAPRESE

196

Pa le nimalaj ya’olchajinik chomatal chik chomam ri’ k’o nimtob’anik xuquje’ k’o nim achb’ilanik ri’, kumal ri’ 34,623 e ajchajil tinamit ri’, pa taq uk’olib’alil q’atenik k’ax ri kakoj pa taq le nimab’e pa we amaq’, jeri’ ri 20 chi k’olib’alil kekoj chi uchi’ taq plow ri’ xuquje’ pa taq uxulanib’al rech wa’katem etz’anik xcha’ ri k’o pa Uk’exel ri Ministro ri’, Axel Romero chi rij ukojik ri SINAPRESE ri’.

Xuquje’ k’o jujun taq korlim ya’olchajinik kakoj chi’ pa Uk’u’x Nimatinamit xuquje’ pa taq le qas kewa’kat wi le winaqil ri’.

“Kaqakoj b’a’ 11 chi k’olib’al ya’olchajinik chi rij taq kopan wi le Departamente rech Tránsito chi’ k’u ri’ k’o 16 chi k’olib’alil kech ajchajinelab’ kakojik xuquje’ k’o 127 chi k’olib’alil kakoj pa juntir we amaq’ ri’. Pa le nimatinamit ri’ kekoj na ri’ e 500 chik eqa’lenelab’ xuquje’ jeri pa kajilab’al kakoj pa le Antigua”, xcha’ ri Romero.

Are b’a’ kab’antaj jun utzalaj kub’sib’al chak ri’ eri k’o pa uk’exel ri Ministro ri’ xuya’ ub’ixik che man k’ot uxulanem kacha tane’ chi ke ri PNC ri’, rumal k’u ri’ pa konojel b’a’ ri eqa’lenelab’ ajchajil tinamit ri’ ketaq pa kichajixik ri winaqilal e aj iximulew ri’ xuquje’ chi ke ri winaq e wa’katel chi’ rumal ri’ k’o ri’ e 1,552 chi patrullas xuquje’ 416 kejach’ich’ kekoj pa ya’olchajinik pa ronojel le juyub’ amaq’ ri’.

Eri ya’olchajinik are kamajtaj pa le 7 rech abril ri’

Eri xya’taj ub’ixik kumal ri q’atb’altzij rech ri SINAPRESE, kamajtaj pa le 7 rech abril panik’aj aq’ab’ ri’ xuquje’ kak’isik pa le 17 pa taq le lajuj kajb’al ri’, ruk’ konojel ketatb’enik chupam wa’ ri Ministerios rech Gobernación, Salud, Defensa, Comunicaiones, ri INGUAT, ri Cruz Roja, le IGSS, ri Bomberos voluntarios, le PROVIAL, le COVIAL xuquje’ ri CONRED.

Eri nimak’amal b’e, Jimmy Morales xub’ij che ri kakoj na we jun ub’anikil ya’olchajinik ri’ pa komontaqawokajil ri’ rech k’o chajinik chi ke ri winaq e wa’katel e aj waral xuquje’ ri naj kepe wi loq, pa konojel chomam chik kekojik e 75 mil chi ajchak patanel pa tinamit ri’.

“K’o ri’ 175 chi k’olib’alil ri’ che ri ya’tal wi le chajinik ri’ xuquje’ e k’o ajkunanel, e k’o ajsuk’umal ch’ich’, e k’o ajya’ltzijob’inel, e k’o ja kekunax wi winaq kekoj ri’”, xcha’ ri Nimak’amal b’e.

Are b’a’ pa joremal kewa’katik ri winaq e aj iximulew kuk’ ri naj kepe wi xuquje’ xuya’ ub’ixik che e k’o charb’al ch’ich’ kekoj ri’ rech ketob’anik chi ke ri winaq pa le saq’ijil q’ij ri’ rech keta’ik wexa’ kub’an k’ax ri kich’ich’ pa taq le nimab’e ri’ xuquje’ e k’o ri e Ajchajil Amaq’ pa komonchak kuk’ ri PNC rech kewa’kat pa taq nimab’e xuquje’ pa taq tinamit che ya’olchajinik ri’.

“Are kaqaye’j keqanimaj keqato’o e 2.2 millones chi winaqil e wa’katel chi’ che ri kewa’katik pa taq nimab’e ri’ xuquje’ pa taq le k’olib’al uxulanib’al ri’, xuquje’ e k’o ri’ e 500 chi eqa’lenelab’ ri k’o nim keta’mab’alil rech kakichupisaj q’aq’ wexa’ k’o poran kab’antaj pa we saq’ijil q’ij ri’”, xcha’ ri Morales Cabrera ri’.

COMPARTIR