Sib’alaj katajin rilik rech kachupisax kuwach ri k’aqb’alil pa Centroamérica xuquje’ pa le Caribe

153

Are rech b’a’ pa komonchak katajin uchomaxik rech kesaxik ri k’aqb’alil ri maj pa usaqil taq ke’ok loq pa we amaq’ ri’ xuquje’ rech man kek’oji taj pa kiq’ab’ ri e itzel taq winaqilal ri’, rumal ri’ katajin jun nim k’utb’al tijonik pa Rulewal taq Nimatinamit ub’i’ “Ub’anik uchakuxik ri Patanem rech B’anow utz taq jastaq ri’ xuquje’ ri utoq’ixik ri chomanik rech resaxik taq ri k’aqb’alil pa Centroamérica xuquje’ pa le Caribe”, rumal ri’ are xjaq uwach rumal ri viceministro rech Ya’olchajinik, Ricardo Guzmán xuquje’ rumal ri Carmen Rosa de León-Escribano, rech ri Instituto rech Tijonem rech ri K’iyemalil ri’ (IEPADES).

Eri k’uttijonem ri’ are kab’an pa keb’ q’ij ri’, chi’ k’ut ketatb’en wi ri k’amal b’e rech ri jalajoj taq wokajil rech ya’olchajinik xuquje’ rech  tzukunem ri’.

Eri Guzmán xub’ij chi ke konojel kich’ob’om ri nima k’ax tajin kuya’ ri k’aqb’alil ri’, aretaq we maj pa usaqil kaloq’ik ri’, ri xaq je ri’ kek’iyix ri’, ri e k’amom ri’, e kolom ri’ xuquje’ ri e q’axim ri maj pa usaqilal ri’ xuquje’ ri man k’ot tijonik rech taq jas ukojik ri’.

Rumal ri’ xtoq’ij kanima’ ri e tatb’enel chi’ rech ketob’anik ruk’ uya’ik taq saq taq tzij pixab’ ri’ xuquje’ rech kakino’jij ri ub’eyal tzukunem ri’, rech karaqik kachomaxik ri rajawaxik chi ke taq ri winaqil pa taq le utz b’anow taq jastaq ri’ xuquje’ rech kachupsaxik ri k’aqb’alil ri’.

“We ri wokajil e ajchomal kech taq ri winaq ri’, kakikub’isaj kik’u’x ruk’ keta’mab’alil ri winaqilal ri’ are wari’ k’o pa usaqilal ri’”.

Eri Carmen Rosa de León-Escribano, sib’alaj xumatyoxij ri nimtob’anik xuya’ chi ke ri’ ri taqawokajnem ya’olchajinik pa amaq’ ri’, “eri wokajil rajawaxik b’a’ kakimol kib’ kichuq’ab’, pa le ya’b’al chajinem ri’ xuquje’ rech uchupsaxik ri k’aqb’alil, xa’rumal b’a’ pa taq le b’anow k’ax ri’ are ri k’aqb’al ri’ tajin kakoj ri’”.

 

COMPARTIR