Tajin pixb’anem chi ke alab’om ruk’ ya’oltzijon kik’aslemam ri e tz’apil pache’ ri’

206

Are rech kepixb’axik ri alab’om chi rij taq ri k’ax ke’uk’am wi b’ik we kakimin che ub’anik k’ax ri’, rumal ri’ e k’o oxib’ e tz’apil pache’ xetzijon kuk’ e 20 chi e ajtzijoxel rech ri INEB rech Cooperativa rech Santa María Xalapán, Los Izotes, Jalapa, are wa’ b’anow pixb’anem xkoj rumal ri Wokajil rech Q’atel K’ax rech ri Wokajil Ajchajil Tinamit ri’ (PNC). Eri alab’om ri’ xe’achb’ilax ri’ kumal k’amal b’e rech ri Q’atb’altzij rech Ya’talil Winaqil, rumal ri Procuraduría General rech Amaq’il xuquje’ kumal ri k’amal b’e chomanik rech taq q’atb’altzij ri’.

Eri e tz’apil pache’ xetzijon ri’ e rech ri Wokajil Japache’ rech Achijab’ rech Jalapa, chi’ k’u ri’ xetzijon wi chi rij ri kik’aslema pache’ ri’, chi rij ri k’ax kik’ulmam chi’ xuquje’ ri k’ax ketajin che rilik rumal xe’ek’owisanik puwi’ ri taqanem ri’, xuquje’ ri ronojel k’ax kakiya’o chi ke kitat kinan, kixoqil xuquje’ chi ke kalk’uwal ri’.

Eri Carlos Quiñonez, secretario técnico rech ri Subdirección General rech Prevención, xub’ij k’u ri’ che we jun molinik rech chomab’al ib’ ri’ are wa’ ri nab’e xb’an chi’ pa tinamit ri’, chi’ k’u ri’ k’o jun chi e ajtijoxel xesik’ixik rech xe’opan xakita’o ri xya’ utzijoxik chi ke kumal ri e ajpache’ ri’.

“Eri utaqim uchomaxik ri’ are b’a’ eri e tz’apil ri’ ketajin che utojik kimak pache’ ri’, rech kakitzijoj chi ke ri alab’om ri kik’aslemam pache’ ri’ xuquje’ jas una’ik ktz’apixik jun winaq pache’ ri’. Xuquje’ rech kakipixb’ej ri alab’om chi rij ri kak’ulmataj pache’ ri’, rech utz b’a’ kakib’an che kib’ rech utz b’a’ ri kakib’ano ri’.”

Eri Juan Pablo Muñoz, ajtijoxel rech urox ukab’ uwach tijonem ri’, ri are xub’ij che man utz ta kuna’ ri are kurilo jas ri tajin kakik’ulmaj ri e tz’apil ri’, “rumal ri’ kinya’ jun sik’inem ub’ixik chi ke ri alab’om alitom chakib’ano utz che kib’ ri’ xuquje’ kiya’ kib’ naj chi ke ri winaq utz ta kakib’an ri’, rumal k’ut k’ax kutij jun winaq ri’ che ri kab’e pache’ xuquje’ maj joremal chik pa uk’aslemal ri’”.

Eri José Gomez, k’amalb’e rech ri INEB pa Cooperativa “xub’ij are wa’ jun k’utb’al chi ke ri alab’om ri kakita ri tzijol kub’ij jun winaq k’o pache’ chi ke ri’ xuquje’ are wa’ qas k’ax kakina’o ri tat ri nan aretaq kakilo e k’o kalk’uwal pache’ ri’”. Rumal ri’ xb’an wa’ jun riqb’al ib’ chomanik ri’ rech k’amb’al na’ojil pa le japache’ ri’.

Kaya’ pa utzijol che pa enero kanoq k’a pa we q’ij kamik ri’ e pa tinamit ri’ e k’o 21 k’ak’al winaq ri’, ri k’a te 15 pa 17 kijunab’xechapik rumal b’anow ch’ojinik pa taq b’e ri’ pa tinamit, rumal elaq’an xik’ach’ich’, rumal keqam k’aqb’al xuquje’ rumal kakitij kunb’alil kub’an k’ax chi ke ri’.

 

COMPARTIR