Tajin uchomaxik rech ya’b’al uchuq’ab’ ri komon ya’olchajinik chi kuwach Iximulew ruk’ ri Israel ri’

104

Eri q’atb’altzij rech ri Ministerio rech Gobernación rech Iximulew ketajin che uchomaxik rech kakijuch’ uwach jun nimchomanik ruk’ Israel, rech k’o k’uttijonem kakiya’ chi ke ri Wokajil Ajchajil Tinamit (PNC), xuquje’ chi ke ri rech pa Kiwokajil ri Inteligencia Civil, are wa’ uwach ri komonchomanik chi kuwach ri keb’ amaq’ tinamit ri’, je ri’ xuya’ ub’ixik loq ri Ministro, Francisco Rivas Lara.

Eri Rivas Lara xuya’ ub’ixik che we jun ujuch’ik wujil rech chomanik ri’ are reh kapatanixik ri cholchak ri’, rech no’jb’anem, rech inteligencia civil, rech tijob’enik chi ke ri e ajchajin tinamit xuquje’ rech b’anow investigación criminal ri’.

 “Eri Israel ri’ are jun chi ke ri amaq’ tinamit ri kinab’ijsam kib’ pa le b’anow sak’ajil tzukunem ya’olchajinik ri’ xuquje’ chi rij ri uq’atexik ri b’anow taq kamisanik ri’, e are kekowin che uq’axaxik juntir uwach taq eta’mab’alil chaqe uj are qas uk’u’x unimal k’o nim kupatanij chi ke ri eqa’lenelab’ ri e ajchajinel chi ke ri winaq tinamit e aj iximulew ri’” xcha’.

Eri taqawokajnel rech ya’olchajinik pa amaq’ Iximulew ri’, xub’ij ri’, che pa taq le molin ib’ b’anom ri’, are k’o uwach chupam ri komonchak chomanik ruk’ ri Israel, eri q’atb’altzij ri’ rech ri jun nimatinamit xkib’ij che pa juntir ri’ e k’o che uya’ik nim tob’anik pa le ya’olchajinik ri’.

 “We kamik ri’ katajin ri k’uttijonem ri’, emu wa’ ri’ xa’ jub’ik ch’ob’ow b’anom chi rij ri’ xuquje’ are wa’ ri kaqaj uj rech kiya’ pa usaqilb’anik ri jun b’anow q’axnik rech komon tob’anik chi rij ri’” xcha’.

Swiffy Output
COMPARTIR