Tajin uchomaxik kakojik ub’eyal ya’olchajinik pa uwachwuj kemamtzij

196

Rech kaya’ ub’ixik utzijolil rech katob’anik chi ke ri wokajil ya’olchajinik pa juntir ri’, rech kata’ uwach ri ub’ixik b’anoj k’ax pa uwachwuj kemamtzij ri’ xuquje’ rech kaq’atexik ri b’anoj k’ax kab’an pa taq le tob’chakub’al rech ri ya’b’al taq tzijol ri’, are ri’ utaqim kuchomaj uwach ri Wokajil Ya’olchajinik pa Tinamit rech Ya’olchajinik pa Uwachwuj pa Kemamtzij ri’, ri kojom chik kumal ri q’atb’altzij rech ri Ministerior rech Gobernación xuquje’ kumal taq ri taqawokajil rech taq tinamit pa uwachulew ri’.

Eri viceministro rech tecnología, Walter Girón, xuya’ ub’ixik che are wa’ ri nab’e chomanik xb’anik rech kawokik rumal ri tinamit ri’ ri ub’eyal ya’olchajinik pa uwachwuj kemamtzij ri’, ri kukoj ub’anikil pa we tinamit pa le ya’ol uchuq’ab’ ri ya’olchajinik ri’ xuquje’ rech qas kakoj ri tzijolil rech uya’ik uchuq’ab’ ri pwaqil rech q’atenik b’anoj k’ax chi ke ri le winaqil ri tajin kab’an k’ax chi ke pa taq le uwachwuj kemamtzij ri’.

 “Eri uj taqawokajnel amaq’ rajawaxik k’ut kaqaya’o uchuq’ab’ ri ya’olchajinik chi ke winaqil k’a pa le ukojik ri tob’chakub’alil ri’, k’a pa le uwokajil ri ya’olchajinik pa tinamit ri’, are jun retalil ri’ ri nuk’wokaj ya’olchajinik ri kojom rumal ri Ministerio rech ri Defensa xuquje’ pa taq le tzijolil kojom rumal ri Gobernación ri’. Eri uwokik ri jun b’eyalil ri’ are ruk’ ri tzijob’elil ri kakiya’o ri wokajil xek’oji pa le jun nim chomanik ri’” xcha’ ri Girón.

Eri Milagros Martínez, Embajadora rech ri Organización rech ri Estados Americanos (OEA), xuya’ ub’ixik ucholaj che ri tzijolil ri’ are kaya’tajik pa taq ri riqb’al ib’ ri’, ri kab’an uch’ob’ik rumal ri wokajil che ri ya’talil uwach ri’ rech kakojik ri ub’anikil pa le tob’anik pa Iximulew ri’.

 “Qatob’am uwach ri Iximulew ri’ k’a naj junab’ chik ri’ chi rij taq ri chomanik ri’ xuquje’ are kaqeye’j pa keb’ oxib’ q’ij chuwe’q kab’ij ri’ jun taqanik rech katob’anik pa le q’atenik b’anoj k’ax pa le uwachwuj kemamtzij ri’ pa we amaq’” xcha’ ri Martínez.

Eri Christian Skoog, k’amal b’e rech UNICEF Guatemala, xub’ij che are k’o nim upatan pa le ukojik jun ub’eyal ya’olchajinik ri’, xa’rumal pa le uwachwuj kemamtzij k’o b’anoj k’ax katajin ub’anik chi ke winaq xuquje’ chi ke ri winaq tinamit kojpa’ chi ke taq ak’alab’ ri’.

Swiffy Output
COMPARTIR