Are rech b’a’ ya’b’al tzijolil chi kuwach ri keb’ tinamit ri’ chi rij kitzijol ri winaq e ok’owel pa k’ax ri’, rumal ri’ eri Ministerio rech Gobernación katajin che chomanik rech Iximulew ruk’ ri Estados Unidos are rech kito’ik ri winaq keraqataj pa k’ax chi’ xuquje’ pa k’ulb’a’t juyub’ amaq’ rech ri keb’ tinamit ri’ rumal ri’ eri Ministro rech Gobernación, Francisco Rivas Lara ruk’ ri Comisionado R. Gil Kerlikowske, rech ri K’amow ub’e Aduanas xuquje’ rech Protección Fronteriza (CBP) rech ri Q’atb’altzij rech Ya’olchajinik kub’sib’al k’u’x rech ri Estados Unidos e are k’ut xkijuch’ ri jun Chomab’al rech Ya’olchajinik pa komon wokajil ri’.

Eri Rivas Lara, sib’alaj xuya’ ub’ixik che ri Chomab’al Xjuch’ ri’ are ri’ jun ya’b’al ub’ixik ri tijob’al chuq’ab’ chi rij ri’ xuquje’ chi kuwach taq ri keb’ tinamit ri’, xuquje’ are ri’ xchomatajik pa le Ministerio rech Gobernación sib’alaj katajin ub’anik komonchak ruk’ ri taqawokaj rech ri Estados Unidos rech ya’b’al utzil chi ke ri keb’ tinamit ri’.

 “Sib’alaj kaqaj chom na ya’olchajinik xuquje’ kaqamol qib’ che uq’atexik b’anow k’ax ri nuk’wokom uwach pa uwachulew ri’, ri are karesaj ki’kotemal ruk’ joremal pa taq tinamit ri’”.

Chech ri Q’atb’altzij taqom loq, we jun wujilal ri’ are ya’tal chupam ri taqom ya’olchajinik kumal pa kutukel ri winaq xuquje’ pa wokajil rech ya’b’al tob’anem xuquje’ rech upatanixik ronojel ri q’axaltzijol ya’talil chi kuwach le keb’ tinamit ri’.

 “We jun wujilal ri’ are sib’alaj nim upatan chi ke ri keb’ tinamit ri’ rumal k’o utzalaj taq ub’anikil kuya’o pa le ya’olchajinik kito’ik ri winaqil pa keb’ tinamit ri’”, xcha’ ri Kerlikowske.

Utzijolil

Kojpa’ xya’ ub’ixik ri’, “Eri Estados Unidos rech América xuquje’ rumal ri Tinamit Iximulew ri’ xkijuch’ k’ut ri jun Nuk’chomab’al rech komon ya’b’al tob’anik pa taq aduanera are xok pa uq’ijol pa le 28 q’ij rech ik’ abril rech 2016. Rech pa le q’ij ri’ eri Q’atb’altzij rech Ya’olchajinik pa Tinamit rech ri Estados Unidso (DHS), pa reqle’mnik ri Dirección rech Aduanas xuquje’ rech Protección Fronteriza (CBP) xuquje’ eri Ministerio rech Gobernación, xkichomaj jun B’anow Chomanik rech Komontob’anik chi kuwach ri K’amal ub’e Aduans xuquje’ rech Protección Fronteriza rech ri Q’atb’altzij rech Ya’olchajinik Tinamit rech ri Estados Unidos.

Are wa’ rech kachakuxik xuquje’ rech kaq’at jun ub’anikil kub’sib’al k’u’x pa le q’axal ri tzijol pa taq le wokajil q’atb’altzij ri’, ri ub’anikil ya’olchajinik pa tinamit rech ri Estados Unidos (DHS) xuquje’ rech ri Ministerio rech Gobernación rech ri Amaq’ Tinamit Iximulew ri’, eri DHS xuquje’ ri Ministerio rech Gobernación, pa komonb’alil ri’, eri “E keb’ ri’”, kakijuch’ k’ut ri nuk’chomab’al rech ya’olchajinik pa le keb’ tinamit ri’.

Tajin kuta’o rech k’o kya’ loq ub’ixik

Chi rij k’ut ri elaq’ toq’inik pwaq eri Ministro xuya’ ub’ixik che katajin k’ut uchomaxik ri’ rech kakub’ pa jumul chik kik’u’x ri winaq tinamit pa Iximulew ri’ are upatan ronojel q’ij ri chak katajin ri’, chi rij wari’ xuya’ ub’ixik che kuch’ob’o che k’o karaj na kachomaxik rech kaq’atexik ri jun b’anow k’ax ri’ tajin karesaj ri ki’kotemal joremal chi ke ri winaq tinamit ri’, rumal ri’ man kakitanab’o ta ri b’anow chomanik rech ri winaq kakub’ kik’u’x chi ke ri q’atb’altzij ri’ rumal ri’ rajawaxik chakiya’ b’a’ ub’ixik loq.

Chi rij k’ut ri b’anow elaq’ toq’inik pwaq chi ke taq wokajil rech tijonem eri Rivas Lara xub’ij che k’o chik jun cholchak rech ya’olchajinik rech kaq’atexik jun b’anow k’ax ri’ pa Jocotales pa le zona 6, xuya’ ub’ixik k’ut che ri Sub Director rech ri PNC, rech Q’atel B’anow K’ax Kamisanik xmolin kuk’ konojel ri k’amal b’e rech taq tijob’al rech kachomax wari’.

 “Eri Subdirección rech Q’atel rech ri PNC xuquje’ ri Viceministerio rech Q’atel B’anow K’ax ri’ k’o chik pa kiq’ab’ jun wujilal rech k’utb’al b’anow k’ax ri’ xuquje’ are kuya’o ilonem chi ke e 200 chi tijob’al pa juntir ri’ rech kaq’atexik ri b’anow k’ax ri’ pa juntir ri’ are rech b’a’ konojel taq ri ak’alab’ kuk’ ri alab’om alitomab’ ri’ kakimin ta kib’ pa le b’anow k’ax ri’”, xcha’.

Xuquje’ pa le tzijol xuya’ eri Ministro xuya’ ub’ixik che man k’ot b’im loq ri jun b’anow k’ax ri’ pa taq le tijob’al chi’, pa le zona 6, man je ta wari’ pa le zona 13, pa Ciudad Quetzal chi’ k’o oxlajuj ub’ixik xya’taj loq chi rij jun b’anow k’ax ri’.

Xch’a’w ri jun Taquero

Chi rij k’ut ri xub’ij ri “Jun Taquero”, Eri Rivas Lara xub’ij che katzukux na uwach ri’ we qastzij k’o pwaq xta chech ri xuya’ loq ub’ixik jun ajpache’ ri’, rajawaxik k’ut kach’ob’ik che ri kub’ij je wari’ xa’rumal tz’apilik pa japache’ ri’, je ri’ kub’ij ri are xa’rumal man k’ot internet tajin kukoj tane’, man k’o ch’a’wib’al kukoj tane’, man k’ot winaq kopan che ch’abenik chi ke are ri’ ri kikaj ri e are pa japache’ tz’apib’al ri’.

Swiffy Output
COMPARTIR