Tajin uchomaxik rech keta’ik kechajixik ri winaq kito’m kib’ pa taq le rulewal ri’

83

Eri taqim uya’ik reta’maxik ruk’ ri chak patan pa Iximulew, Honduras xuquje’ El Salvador, are rech b’a’ eri winaq che ri kito’m kib’ qas pa ki’kotem b’a’ kek’oji chi’ xuquje’ rech utz ke’il kumal ri winaqilal chi’, rumal ri’ xb’antaj jun nim molinem ub’i’ Tzijonem Chomanik pa Rulewal ri’ rech Ya’b’al Tob’anik pa taq le tinamit ri’ xuquje’ rumal ri’ Comisionado rech Naciones Unidas ACNUR.

Rumal pa le ub’antajil le qatinamit ri’ eri Viceministro rech Ya’olchajinik, Ricardo Guzmán xuya’ ub’ixik che kaya’taj chi ke ri winaq kekanaj kan ri’ rumal ri’ kaya’ ri kiwujil rech kechakunik, rumal ri’ xya’ ub’ixik chi ke che kejaqab’ ta pa taq le k’olib’em che ri k’o k’ax kak’ulmataj ri’ xuquje’ rech man k’ot kakiraq ri’ jacha’ ri xkik’ulmaj pa taq ri katinamit ri’ xuquje’ rajawaxik ke’ilik rech pa utzilem kek’oji chi’.

“K’o b’a’ jun wokaj ajchakunelab’ pa le uwokajil ri Dirección rech Migración, e are ri’ kech’ob’on rech chi rij ri jujun taq chomanik kakib’an ri’, e pa kilik ri winaq che ri maja’ na kaya’taj kiwujil rech kek’oji chi’ pa qatinamit ri’ rech kakilo we utz ri’ we man utz ri’ kejaqab’ chi’”, xcha’ ri Guzmán.

Xub’ij chik che sib’alaj k’o nim upatan chi ke konojel kakita utzijol ub’antajil ri jachakunb’al rech ri ACNUR ri k’o pa we amaq’ ri’ xuquje’ ri Pastoral rech Movilidad Humana, che ri e are k’ut ri kek’oji che rilik ri ya’talil chi ke ri winaq ri’, jacha’ taq kachoch rech kek’oji wi jacha’ kichak rech kechakun ri’ le winaq e petinaq pa taq nik’aj chik tinamit naj panoq ri’.

Eri qas katajin uchapatanixik ri’

Rumal ri’ eri Carolina Miranda, K’amal b’e rech Migración xuya’ utzijol chi kij ri winaq kito’m kib’ chi’, ri utzalaj taq chomanik b’anom chik chi kij ri’ are rech keloq’oxik ri’, are wa’ jun uwachtzijonem chomanik che ri man tzijom ta ri’ are rech ri’ kaya’tajik ri qas rajawaxik chi ke che ri Taqawokaj pa Amaq’ Iximulew kuya’ chi ke ri’.

“Ya’om chik kiwujil ri winaq kito’m kib’ ri’ are kojom che ri wujil ri’ retalil rech kub’sib’al k’u’x ri’ rech kukoj pa le ya’tal che xuquje’ pa le uya’ik pa usaqil rech kejaqab’ chi’ are katajin utoq’ixik rech kakub’isax uwach rech pa joremal pa jikomal kek’oji ri winaqil chi’ rech man k’ot b’a’ koqatan kech jacha’ xb’an chi ke pa taq katinamit ri’ che e petinaq wiri’”, xcha’ ri Miranda.

Pa le molin ib’ ri’ xtzijox wi ri retaxik ropanb’alil taq ri uwachtzijonem tzij ri’ pa taq le rulewal ri’ le kib’antajil ri winaq kito’m kib’ chi’, chi rij taq qas upatanil kub’an ri’ ri k’ak’ taq taqanem chomanik chi kij taq winaq kito’m kib’ ri’, eri tob’anem pa rulewal ri’ are jun nim komonchak rech ya’b’al utzilem ri’ xuquje’ rech utz ri tob’anik ya’talil chi ke taq ri winaqil ri’ pa taq nik’aj chi tinamit ri’.

COMPARTIR