Katajin uchomaxik rech kab’an utzilem chi ke ri kech’ab’enik pa japache’

179

Are taqim uchomaxik rech kab’an utzilem chi ke ri e ajch’ab’inel chi ke taq ala, taq ali, chi ke taq ixoqib’ xuquje’ alab’om alitom che ri e kachalal ri e tz’apilik pa japache’ pa Cobán, Alta Verapaz, rumal ri’ eri q’atb’altzij xe’opan che jun b’anow solinik chi’.

Pa le wa’katem xb’an chi’ eri viceministro rech Q’atel B’anow K’ax ri’, Axel Romero, ri Andrea Barrios rech ri Colectivo Artesana, ri Gobernadora Estela Ventura, ri Ajkalte rech tinamit chi’ Jorge Cordoba xuquje’ ri Ana Grace Cabrera rech ri ONU-Ixoqib’ Guatemala, che ri xe’ok chi la’ pa le Japache’ kech Achijab’ ri’, chi’ k’u ri’ ri keraqataj wi kajib’ kitasb’alil e 394 e ajpache’ ri’ rumal k’i uwach ri kimak ri’.

Eri Romero, xuya’ ub’ixik che ketajin che utzukuxik jun k’olib’al chi rij ri japache’ ri’ rech kayak chi’ ri nima ja rech ch’ab’inelab’ ke’opan chi’, ruk’ jun tijob’al xuquje’ ruk’ jun ja rech b’anow chak ri’.

“Eri kaqaj uj eri taq ak’alab’, taq alitom xuquje’ ri alab’om alitomab’ rech qast kek’oji kuk’ ri kachalal xuquje’ rech man kelatz’ib’ ta chi’ rech kak’isitaj ta kik’u’x kuk’ ri e tz’apil chi’”, xcha’ ri taqawokajnel ri’.

Eri ixoqib’ che ri keraqataj pa kajib’ kitasb’alil ri’. Pa we japache’ ri’ kakoj wi ri b’anob’al wa xuquje’ k’o jun ja rech ch’abenik kakoj chi’, k’o jun ja rech b’anob’al jastaq ruk’ jun tijob’al kakoj chi’.

Rumal k’u ri’ eri ajkalte Cordoba xuquje’ ri Gobernadora Ventura, xkiya’ kitzij rech ketob’anik che usuk’umaxik kik’ob’ik ri e ajpache’ chi’ pa le japache’ rech Cobán.

COMPARTIR