Katajin uchomaxik rech k’o sib’alaj utz ri chak kab’an kumal ri Fuerzas rech ri Tarea Chortí xuquje’ ri Tecún Umán

261

Pa le riqb’al ib’ xb’an kuk’ ri e ajtaqanelab’ tzukunem ya’olchajinik ri’, chi rij kib’anikil ri Fuerza de Tarea Terreste Chortí xuquje’ Tecún Umán ri’, pa reqale’nib’al ri Viceministro Antinarcóticos Oscar Dávila Mejicanos eri uq’ab’il k’amow chak ri’ xtzijitaj chi b’ik pa jumul chik pa ujikomal ri’ xuquje’ pa taq ri k’ulb’a’t juyub’ pa amaq’ ri’, jacha’ pa Oriente jeri’ pa Occidente we amaq’ ri’.

Eri Viceministro ri’ xub’ij che we jun ub’anikil ri’ are xb’antaj ri’ xa’b’a’ maltyox che ri utzalaj chak b’anom ri’, rumal ri ya’olchajinik b’anom pa le ub’anikil ri’ ub’i’ Jaguar ri xb’an kan pa k’isb’al junab’ kanoq pa le rulewal ri Franja Transversal del Norte.

“Rumal kojtajin che uch’ob’ik ri uwachinem chak b’anom ri’ jacha’ ri uk’amik ub’eyal b’anom pa we junab’ ri’ aretaq xeb’antaj ri ya’olchajinik tzukunik kanoq are rech b’a’ kaya’ pa ub’eyal rech ri Fuerzas rech ri Tare ri’ e ajya’el rech ri q’axal tzijol rech b’anow sak’ajil tzukunem ri’ ri k’o kuk’”, xcha’ ri Dávila Mejicanos.

Eri komonchak pa taqawokajil pa amaq’ are sib’alaj k’o nim kupatanij ri’

Xub’ij chik, “Qeta’m k’ut che ri Fuerzas de Tarea eri kichak kipatan rech antinarcótico e kojom wi xuquje’ pa le kiq’atexik ri nuk’wokaj kamisanelab’ ri’, emu wa’ pa taq le rulewal k’ulb’a’t juyub’ pa amaq’ k’o julal b’anom che ri’ xuquje’ qaraqom k’i taq awan q’axb’al chi’ xuquje’ k’o awan  kiqajib’alil xik’ach’ich’ chi’ che ri kaq’ax wi cha awilik ri awan jastaq kunb’alil chi’, rumal ri’ kataq na ri’ uya’ik jujun taq q’atenik chi ke ri winaq xuquje’ ri nuk’wokaj che ri e ajq’axal rech ronojel taq uwach jastaq maj pa usaqil ri’.

Eri Viceministro xub’ij chik che ri jun kichuq’ab’il ri Fuerza de Tarea ri’, are ri wokotal uwach kumal ri eqa’lenelab’ rech ri Wokajil Ajchajil Tinamit, rumal ri Uro’ vice despacho, rumal ri Wokajil Ajchajil Amaq’ rech Iximulew xuquje’ rumal ri Superintendencia rech Administración Tributaria.

“Eri b’anow utzalaj uk’amik b’eyal ri’ ruk’ ri ub’anikil komonchak pa taqawokajilal ri’ are ri’ qas uk’aslemal rech uya’ik keb’ kichuq’ab’il ri’ xuquje’ rech kak’oji jun uk’utb’alil ri’ ri kuterenb’ej ri q’axaltzijol xuquje’ ri ub’anikil komonb’al pa ronojel uwach ri taqawokajil ri’ are rech b’a’ eri uk’iyemal ri ya’b’al kichuq’ab’ ri Fuerzas de Tarea ri’ k’o utzalaj uwachinem chak kuya’o pa we junab’ ri’”, xcha’ ri Dávila Mejicanos.

COMPARTIR