Tajin uchomaxik kesax ta na ri korlim ya’olchajinik pa Tajumulco xuquje’ Ixchiguán ri’

143

Eri K’amal b’e rech ri Amaq’ ri’ pa Consejo rech Ministros xutaq pa ya’oltzijolinem ri decreto gubernativo  3-2017 rech kumaj chi b’ik pa jun ik’ chik ri korlim ya’olchajinik pa Tajumulco xuquje’ Ixchiguán, pa San Marcos rumal xkichomaj che sib’alaj rajawaxik ri ya’olchajinik ri’ pa taq le juyub’ tinamit che ri k’o b’anow ch’oj pa 80 junab’ ri’, jeri’ rech keyak rachoch k’olib’al rech kekunax wi winaq xuquje’ rech kek’oji wi ri wokajil ajchajil tinamit ri’.

Pa le molin ib’ ri’ xk’oji wi ri vicepresidente Jafeth Cabrera, ri Ministro rech Gobernación Francisco Rivas Lara xuquje’ le nik’aj chik patanelab’ rech ri taqawokaj ri’.

Eri Morales, xkub’isaj ub’ixik che pa taq le nab’e q’ij pa le jun ik’ ri’ xkoj ri Korlim Ya’olchajinik ri’, xb’antaj kowinem xkiya’ pa jikomal ri taqanib’al pa we juyub’ tinamit ri’, rumal ri’ xejaq ri k’ayib’alil, ri tijob’al ib’ rech xmajtaj ri tojinik chi’ xuquje’ xejaqataj ri nimab’e ri’, xuquje’ e k’o k’olib’al awan taq kunb’alil xsach uwach ri’.

Xuquje’ xb’antaj kowinem xopan che chak chi’ ri Registro rech Información Catastral chi’ (RIC), rech xsuk’umaxik ri 11 kilómetros raqan k’ulb’a’t juyub’ k’o chi kuxo’l ri keb’ tinamit chi’. K’o 117 millones chi amapola xb’antaj xchupisax uwach chi la’,  xuquje’ k’o marihuana ri’, junam ruk’ k’o Q 3 mil millones chi pwaqil ri’ pa ronojel. Man jumul ta wa’ b’anom jewa’ pa le kiq’atexik ri molaj b’anol k’ax chi rij ri’ pa uwachulew ri’.

“Are wa’ kaqaya’ b’a’ pa kiq’ab’ ri Congreso rech pa Amaq’il ri jun nim eqle’nemtzij ri’ xuquje’ pa ub’i’ ri tinamit Iximulew kaqata ri’ katerenb’ex ri korlim ya’olchajinik ri’, rumal k’ut kaqaterenb’ej ruk’ ronojel ri ya’olchajinik che ri karj kab’an pa taq nimab’e ri’ xuquje’ rech keyak jachakunb’alil ri’, rumal b’a’ eri tinamit chi’ sib’alaj naj sacham kan uwach ri’”, xcha’ ri Morales.

We kaya’taj pa saq rech ya’tal katerenb’exik ri’, eri q’atb’altzij rech ri taqawokaj ri’, xkikub’isaj rech kakiyak na jun jachakunb’al rech ya’b’al ilonem rech kekunaxik winaq pa Tajumulco, rech kab’an jun nimab’e k’a San Marcos xuquje’ rech kayakik rachoch ri wokajil ajchajil tinamit chi’.

COMPARTIR