Xmajtaj ri ya’olchajinik pa taq wokja pa nimatinamit ri tajin kak’ulmataj wi b’anow k’ax

151

Xmajtaj ri ya’olchajinik ub’i’ “Operación Fénix”, wokom uwach kumal Wokajil Ajchajil Tinamit  (PNC), rech k’o nim tzukunik kb’an chi’ pa taq le colonias Villa Lobos, Mezquital xuquje’ pa el  Búcaro, zona 12 rech Villa Nueva, are rech kaq’atexik ri b’anow k’ax sib’alaj katajin chi’.

Eri Jorge Aguilar ajya’tzijol rech ri PNC, xuya’ ub’ixik che pa le tzukunem ya’olchajinik ri’ are katajin kumal eqa’lenelab’ rech pa kiwokajil Antinarcóticos, kumal ri Q’atel K’ax, kumal ri Molaj Sak’ajil chajinik, kumal ri Investigación Criminal xuquje’ kumal ri Grupo rech Reacción Inmediata Lobos, ri xuquje’ k’o wa’katem chajinem kakib’an chi rij kejach’ich’ xuquje’ che kaqan kewa’katik, k’o wujil rech ya’b’al tzijol xkijach chi ke ri winaq chi’, rech xkib’ij chike che wexa’ k’o b’anow k’ax kakilo chi’ chkib’ano jun nim toq’ob’ chkiya’ ub’ixik loq.

 “Eri kajwaxik ruk’ ri tzukunem ya’olchajinik ri’ are rech kaq’atatajik ri b’anow k’ax pa taq le colonias e keraqataj chi’ rech kub’sib’al k’u’x kek’oji” xcha’.

Xuquje’ xb’antaj kowinem xq’atexik ri b’anow k’ax chi’ pa taq le tzukunem ya’olchajinik ri’ k’o itzel taq jastaq katajin utzukuxik ri’, k’o tzijolil tajin umolik uwach xuquje’ k’o nim ch’ob’ow katajin chi rij ri’, e k’o ch’ich’ xeraqatajik, k’o k’aqb’alil, k’o ja achochib’al e ya’om kanoq kumal e ajchoq’e, kumal nik’aj b’anol k’ax tajin kakib’an ri k’ax chi’, we chanim ri’ xmajtaj chi b’ik ri joremal k’olib’em chi’.

Pa tzukunem ya’olchajinik chi’ eri e ajchajil re tinamit kik’amom b’ik chakub’al rech kusik’ij uwach uwi’q’ab’aj ri’ pa le rilik kitzijol ri winaqil chi’ xuquje’ rech kilik we k’o taqom kichapik ri’.

Eri rajilab’al ri ch’a’wib’alil rech ya’tal panoq chi ke ri winaq tinamit are rech b’a’ kakiya’ loq ub’ixik wexa’ k’o b’anow k’ax kakil chi’ eri ch’a’wib’alil are ri’ pa le 110 rech ri PNC, pa le 1561 rech Chatzuj loq che a Waldemar, pa le 1510 rech Escuelas Seguras, pa le 1577 rech línea Antinarcótica xuquje’ eri rech ri Dipanda are ri 40171290 xuquje’ ri’ 30101965 ri’.

Swiffy Output
COMPARTIR