Eri uwachil ri ch’ob’otal chak ruk’ ri cholb’al chak rech q’atenik b’anoj k’ax makaj’ pa ronojel uwach tinamit ri’, are tajin uchomaxik rumal ri’ Urox viceministro rech q’atenik b’anoj k’ax makaj ri’, pa le Ministerio rech Gobernación, Axel Manuel Romero García, xmolin kuk’ ri’ k’amal b’e rech ri Nimakomon Tinamit pa Uwachulew ri’ are rech k’o k’ak’ chomanik kuk’ ri k’ak’al winaq, alab’om alitom, ak’alab’ ri’, ri ya’talil chajinik komon winaqib’ xuquje’ ri ixoqib’ ri’.

Eri Romero García, xub’ij che pa we molinem chomanik ri’ are xta’ik xtzijoxik uwach ch’ob’otal chak ri’ ruk’ kitob’anik ri komontinamit pa uwachulew ri’ chi rij q’atenik b’anoj k’ax makaj ri’. Rumal ri’ eri Romero xub’ij che ri Ministerio rech Gobernación ri’ are k’iyirnaq uchomanik kuk’ ri komon winaqib’ ri’ xuquje’ kuk’ ri jalajoj taq komon ri’.

Je ri’ xuya’ ub’ixik che ri MINGOB ujaqom utzij uchi’ rachoch chi ke taq ri wokajil pa uwachulew ri’.

Eri uq’ab’tinamit qas k’amom kuwach pa taq le chomanik rumal ri Ministro rech Gobernación ri’, pa le chomanik chi rij q’atenik b’anoj k’ax makaj ri’: eri Flores, Petén; eri Cobán, ri Chinab’jul, ri San Pedro Sacatepéquez, ruk’ nik’aj chik tinamit ri’.

 “Eri tajin kaqatzukuj are qas k’o retalil uchomaxik ri’, eri chomanik chi rij ri q’atenik b’anoj k’ax makaj ri’”, xcha’ ri Romero García.

Eri Julio Carranza rech UNESCO, xub’ij che ri Iximulew are ri’ jun amaq’ ya’el nim k’utb’al no’jil pa le q’atenik b’anoj k’ax makaj ri’ kumal ri alab’om alitom ri’. Xuquje’ xub’ij che sib’alaj utz ri chak patan ri’ b’anom rumal ri Mingob’ ri’.

Eri jun chi ke ri ch’ob’otal chak ya’om ub’ixik rumal ri komontinamit pa uwachulew pa le chomanik q’atenik b’anoj k’ax makaj ri’ are wa’: Pa komon uya’ik uchuq’ab’ ri komonb’alil ri’ ruk’ ri Mercy Corps, ri Cholb’al chak rech q’atenik b’anoj k’ax makaj rumal ri’ UNFPA, ri ch’ob’otal chak pa juyub’ab’al rech q’atenik b’anoj k’ax kumal alab’om alitom pa Centroamérica rech kaq’alik kaq’atexik uwach ri’.

COMPARTIR