Xya’ pa utzijol che sib’alaj utz ri ya’olchajinik xb’antajik ub’i’ “Guatemala are Qech uj” rumal k’ut e k’o 58 xechapataj ri’

360

Pa konojel e k’o 58 chi winaqil xechapataj ri’, e k’o e 6 e ak’alab’ chi ke xuquje’ k’o 37 e ajpache’ e sik’im pa q’atb’altzij chi rij b’anow k’ax ri’, kab’ixik xa’rumal toq’inik pwaq xkeleq’aj, xuquje’ rumal k’o kamisanik kib’anom xuquje’ rumal k’o ch’a’wb’alil keleq’am ri’, rumal k’o k’aqb’al, marihuana raqom kuk’, xuquje’ k’o Q50 mil 200 pwaqil raqom kuk’ ri’, pa ronojel k’ut k’o 180 chi tzukunik xb’antaj ri’ kumal ri Nimalaj B’anow Tzukunik Ya’olchajinik ri’ are ub’i’ “Guatemala are Qech uj”.

Eri Ministro rech Gobernación, Francisco Rivas, are xachb’ilan pa le Nimya’oltzijol rech tzijolinik che ri Secretaria General rech ri Ministerio Público, Mayra Véliz, eri ya’olchajinik tzukunik ri’ pa k’iyalaj ik’ xinab’ijsax ub’anik panoq ri’, chi kij ri nuk’wokaj kamisanem ri’ le k’o k’i toq’inik pwaq xkib’ano xuquje’ ri k’o k’i b’anow kamisanik chi ke ri winaq e suk’ e ajchak ri’ e rech pa Qatinamit Iximulew ri’.

Are wari’ uwachinik ri k’amow uq’ab’il chak pa le Taqawokajnem Ya’olchajinik pa Amaq’ ri’ ruk’ kichakub’al rech q’axaltzijolinik ri’, ruk’ ub’anikil kub’sib’al k’u’x ri’ xuquje’ rech ub’anik pa komonb’alil ruk’ ri MP ri’, pa le ukojik juntir uwach uchakub’alil uchuq’ab’il ri ya’olchajinik pa le PNC ri’, pa le SP, rumal ri’ k’o nimalaj xb’antaj kowinem ruk’ pa le tzukunem ya’olchajinik ri’, xcha’ ri Ministro.

 “We kamik ri’ e k’o keb’ taqawokajil ri rech ri Mingob xuquje’ ri PNC xuquje’ ri SP k’o nim kichuq’ab’ xkikoj pa le b’anow tzukunik ri’ le k’amom ub’e rumal ri MP ri’ ruk’ nim utob’anik ri Organismo Judicial, ruk’ ri Instituto Nacional rech Ciencias Forenses (INACIF) xuquje’ are jun ri’ ri Procuraduría rech ri Derechos Humanos, jeri’ ri Instituto rech ri Defensa Pública Penal xuquje’ ri Procuraduría General rech ri Nación (PGN), pa le nim kojb’al chuq’ab’ rumal ri Taqawokaj pa Amaq’ ri’ pa le kojtajin che ub’anik pa le ya’olchajinik ruk’ ri q’atb’altzij pa we amaq’ ri’”, xcha’ ri Rivas Lara.

Eri ub’eyal ya’olchajinik ri’

Eri Edwin Mayén, Subdirector rech Operaciones rech ri PNC, xuya’ ub’ixik che ri ub’eyal ri ya’olchajinik ri’ ub’i’ “Guatemala are Qech uj” are rajawaxik xe’oksaxik pa le ub’anikil ri’ e 250 chi q’atol tzij ri’, 25 ajb’insal ch’ich’ ri’, 25 eqa’lenelab’ rech  chajinik xuquje’ e k’o 15 puq uwach b’anow tzukunik xkoj ri’ rumal ri MP xuquje’ e k’o 3 mil 5 eqa’lenelab’ rech ri PNC xetaq ri’, xuquje’ e k’o mil tzukunelab’ e ajno’chakunel rech investigación criminal xekojik xuquje’ pa uwokajil ri b’anow tzukunem ya’olchajinik ri’ e k’o 380 chi ch’ich’ xekoj ri’.

K’o 2,5 millones che Pwaqilal raqom chik, pa keb’ junab’ ri’

Eri Secretaría General rech ri MP, xub’ij che ri uwachinik ri tzukunem xb’antaj pa komon ri’ pa le kiq’atexik ri b’anol k’ax e ajtoq’il pwaq ri’ xuquje’ k’o 15 uwach b’anow kamisanik xkiq’alajisaj uwach che e are nik’aj xechapatajik ri’ xeb’anow rech xuquje’ e pa taq wokajil ajpoq’sal meb’ilem ri’ ri toq’im pwaq chi ke are chi ke 13 pa uwokajil ch’ich’ erelwinaq ri’, k’o kajib’ wokajil kakijacho k’i uwach jastaq b’anom k’ax chi ke, k’o 53 uwach q’atoj tzij chi rij toq’inik pwaq ri’ k’o pa q’atb’altzij ri’ xuquje’ eri pwaq xkitoq’ij ri’ are qaraj kopan pa 2.5 millones pa upwaqil kimolom pa keb’ junab’ rumal b’anow k’ax ri’.

COMPARTIR