Eri Call center rech RENAP 1516 are kuya’ utzijol chi rij ri DPI

298

Are taqim katoq’axik resaxik kiwujil ri winaq e aj iximulew ri’ are rech ke’opan che uk’amik Kiwujilal rech Tzijol ri’ (DPI) pa aninaqil ri’, rumal eri e ajchak rech Uk’u’x Jachakunb’al rech Q’axaltzij chi rij ri Wujilal rech Tzijol rech Winaqib’ ri’ (RENAP) rech kakisik’ij panoq ri winaq rech kakiya’o ub’ixik ri’.

Eri RENAP k’o jun jachakunb’al rech q’axaltzijol ri’ k’a chi’ k’u ri’ kakik’ul wi ri sik’inik kakib’an panoq ri winaq pa le 1516, rech aretaq kakitaq panoq utzijol chi rij taq kiDPI ri’ rech jumpa’ k’o chik ri’.

Eri Ramrio Toledo, K’amalb’e Taqanem rech Apoyo Registral ri’, kub’ij eri 1516 ri’ are kuchomaj ub’ixik chi ke ri winaqil ri’ xuquje’ e pa jun q’ij ri’ k’o 5,000 pa 6,000 resaxik uwach ri’.

Are rech kaya’taj jun utz nimanem chi kijujunal le winaq ri’ aretaq kakita’ utzijol chi rij ub’antajil kiwujil ri’ rech k’o pa q’axaltzijol ch ke xuque’ rech kakiterenb’ej rij ri kiwujil ri’.

Xa’rumal k’ut e pa taq ri uk’u’x jachakunb’al ri’ jacha’ pa taq nik’aj jachakunb’al chik chi’ karaqataj wi’ 130 mil chi DPI karaj na kajachik, are wa’ jun chak patan rech pa le kichomaxik ri winaqil ri’ eri e ajch’a’wnelab’ ri’ e are kakisik’ij panoq chi kijujunal ri winaqil ri’ rech kakiya’ panoq chi ke rech ke’opan che kik’amik ri kiwujil ri’.

“Eri uj kojtajin che uterenb’exik ya’olchajinik chi rij ri’ rech k’o ri kaqaya’o ub’ixik chi ke ri winaqila aretaq kakita’o utzijol ri DPI we k’o chik xuquje’ rech ke’ok’ow che uk’am’ik ri’”, xcha’ ri Subdirector rech Apoyo Registral ri’.

Pa we q’ijol ri’ e k’o chik 60 mil chi winaqil e esal rech ri wujil ri’ b’im chik chi ke che ri kiDPI k’o chik xuquje’ rech kab’ix chi ke che ri kakikamo wi ri kiwujil ri’.

Eri call center rech RENAP ke’uchomaj ri winaqil ri’ are lunes pa sábado pa 7:00 rech saqarib’al pa 7:00 kajb’al rech chaq’ab’ ri’ xuquje’ rumal xyoqpisaxj uwach q’ij rech ujachik ri’ pa taq domingos pa 8:00 k’a pa 13:00 kajb’al ri’.

Pa le Uk’u’x jachakunb’al ri’ xuquje’ chi’ kaya’ wi ub’ixik kanoq pa le chat pa uwachwujl pa kemamtzij ri’ rech página web www.renap.gob.gt xuquje’ pa le uwachwujil taq facebook xuquje’ twitter ri’.

COMPARTIR