Eri Cancillería ruk’ ri Gobernación xkijuch’ uwach chomanik rech kitz’ebel chi ke e Ajchajil Tinamit ri’

217

Eri utaqim ruk’ we jun komonchak ri’ kumal ri keb’ taqawokajnem chi rij ya’olchajinik, eri taqawokajnelab’ rech ri keb’ taqawokajnem ri’ xkijuch’ uwach jun Nuk’chomab’al ri kuya’o kitz’eqel ri Wokajil Ajchajil Tinamit pa taq le Misiones Diplomáticas rech Iximulew che eri keraqataj chi’.

Are wari’ kuya’ ub’e rech kakojik ri Kitz’eqel ri e Ajchajil Tinamit ri’, are wari’ kuya’o pa retal kakowirsaxik ri kiq’atexik ri b’anol taq k’ax pa taq naj nimatinamit ri’ xuquje’ kuya’ uchuq’ab’ rech kaya’ pa utzijob’exik rech kab’antaj kowinem kechap e ajb’anol k’ax ri’.

“We amaq’ tinamit ri’ karaqataj ri’ pa le kib’e kok’owik che ri kek’owisax b’ik wi ri winaq che kek’am b’ik pa k’axalaj taq chak ri’, chi’ k’ut kaq’axax wi awan k’aqb’alil, xuquje’ nik’aj chik uwach itzelal ri’ rumal ri’ we jun cholchak ri’ are k’o nim kupatanij ri’”, xcha’ ri Ministro rech Relaciones Exteriores, Carlos Raúl Morales.

Xuquje’ xkub’isaj ub’ixik chik che k’o ub’anik jun cholchak pa komonb’al ri’ rech b’a’ pa nik’aj chik q’ij ri’ kakoj ketz’eb’el ri e ajchajil tinamit pa taq le embajadas rech e aj iximulew ri’.

K’o ka’unojisaj uwach ri’

Eri Rivas Lara, xub’ij eri juch’b’an uwach ri jun Nuk’chomab’al ri’ rech ri Kitz’eb’el e Ajchajil Tinamit ri’ are wa’ k’o kunojisaj uwach ri’ are wari’ kuya’ uchuq’ab’ ri chak patan ri’ pa le utzijob’exik uwach ri’ pa le ub’anikil ya’olchajinik kuk’ nik’aj chik e naj nimatinamit ri’.

Xub’ij chik che are wa’ k’o nim kupatanij ri’ xuquje’ che ri e Ajchajil Tinamit rech Iximulew ri’ rumal k’o jun uk’aslemam uwach pa unimarisaxik uwach ri kapatanixikri’ are wa’ kuya’o nim tob’anik uwach taq pa le uwachulew ri’ xcha’ ri’. Xub’ij che ri nuk’wokaj b’anol k’ax ronojel q’ij k’ut kuya’ kub’an k’ax chaqe ri’ xuquje’ are kaq’ax pa taq k’ulb’a’t juyub’ ri’ rech kok’ow pa taq nimatinamit ri’.

Rumal ri’ “Eri uj aj taqawokajil rech ya’olchajinik ri’ are k’o nim kupatanij kaqaya’o chaqawach kuk’ nik’aj chik e naj nimatinamit ri’ pa komonb’al uno’jixik ri ya’olchajinik, ri utzijob’exik uwach xuquje’ ri utz uwach chak kab’an ri’”.

Ruk’ ri Tz’eb’el ri’ eri chakunem ri’ are kab’an ri’r ech k’o jun utzalaj tob’anik kawok uwcha pa taqawokajilal ri’ rech ya’b’al toq’ob’ che ri Iximulew ri’ xuquje’ chi ke ri PNC ri’, xcha’ ri Ministerio rech Gobernación ri’.

Jujun chi ke ri kichak patan ri utz’eqel e ajchajil tinamit ri’

Eri retab’al b’anow che ri xtaq ukojik pa le Acuerdo Ministerial 10 – 2017 are taq wa’ jujun chi ke ri’, ri taq’alb’em xuquje’ nimib’alil rech ri tz’eqel ajchajinel ri’ are kak’oji pa ub’i’ ri PNC chuwach taq ri wokajil rech ya’olchajinik pa we amaq rech kechajin pa taq jachakunb’alil pa taq achochib’alil ri’.

Kakib’an cholajisanik uwach taq ri b’anow tob’anik chi kuwach taq ri wokajil rech pa we amaq’ chi’ che ri keraqataj wi xuquje’ rech kakiq’axaj tzijolil ri’ chi ke nik’aj chik e ajchajinelab’ rech we amaq’il ri’ che ri keraqataj wi xuquje’ kakino’jij uchak upatan ri Nimtaqanel rech ri Misión Diplomática rech Iximulew ri’ rech ya’olchajinik ri’.

Xuquje’ rajawaxikr i’ kakiya’o pa utzijob’exik juntir che ri K’amal b’e rech ri PNC chi rij ronojel taq ri chomanik chi rij ri ya’olchajinik ri’ rech ri are ri’ kuya’o ub’ixik che ri Ministro rech Gobernación ri’.

COMPARTIR