Eri alab’om alitom ketijoxik ri man kekowin taj kakitijoj kib’

278

Are rech b’a’ eri alab’om alitom kekowinik kakitijoj kib’ e are k’ut ri ketijoxik ri’, rumal ri’ eri Viceministro rech q’atenik b’anoj k’ax, Axel Manuel Romero, xtotab’enik pa le ukab’ riqb’al ib’ pa le chomanik rech ri Ch’ob’otal chak ri K’utb’al rech ri K’amoj ib’ kumal winaqil ri’.

 “Pa le molin ib’ chomanik ri’ eri nab’e taq xaqato utzijol ri’ are ri chakum chik rumal ri ch’ob’otal chak ri’ are k’u wa’ uchak patna ri viceministerio rech q’atenik b’anoj k’ax ri’, rech kujtob’anik ronojel chi rij ri’, rech b’a’ kachakuxik pa juntir taq ri taqawokajil ri’” xcha’ ri Romero.

En k’u ri’ María del Carmen Aceña, rech ri Centro rech Investigaciones Económicas Nacionales (CIEN) xuya’ ub’ixik ucholaj ri ub’anikil k’ut ri ch’ob’otal chak rech choluwach tijonem ri’ rech ketijoxik ri alab’om alitom pa kik’aslemal ri’ xuquje’ are wa’ ri nim uchomaxik ri xb’an chomanem chi rij rech xuwok uwach ri’, kumal ri ministerios rech Economía,rech Cultura  xuquje’ Deportes, rech Tijonem, rech Gobernación, xuquje’ kumal ri q’atb’altzij rech Mixco, Villa Nueva, rech Villa Canales xuquje’ rech Intecap ri’, rumal ri’ are wa’ jun nim choq’ab’il ri’, xa’rumal eri uwach kachomaxik ri’ are ri qas utz kakil ri alab’om alitom ri’ k’o ri’ ri kachomataj chi rij ri’ pa aninaqil, pa keb’ oxib’ q’ij ri’ xuquje’ pa najo’il ri’.

Xub’ij chik che k’o ri’ cholb’al chak rech ub’anikil k’utb’al rech b’anoj k’amoj ib’ winaqil ri’, ri kojom chik chi rij b’anoj tijonem chi ke winaq ri’, rech umajtajik b’ik tijonik ri’, rech tijonem q’ojom b’ixonem ri’, pa Villa Nueva xuquje’ pa Villa Canales ri k’o chik tijonem ya’tal chi ke e 28 ajtijoxel ri’ e alab’om alitom ri’ xuquje’ e 54 e k’o chik pa ukab’ uwach tijonik ri’.

 

COMPARTIR